अजय मिश्र/ कृष्णनगर , कृष्णनगर नगरपालिकाका प्रत्येक वडा मा कर्मचारी संयन्त्रलाई चुस्तदुरुस्त बनाउन बायाेमेट्रिक हाजिरी मेसिन जडान गरिएकाे छ ।बर्षाैंदेखि जनप्रतिनिधि विहिन रहेकाे स्थानिय तहका अव्यवस्थित कर्मचारी तन्त्रलाई मर्यादित बनाई सेवाग्राहीलाई सेवा पुर्याउने उद्देश्यले नगरपालिकाकाे प्रत्येक वडामा बायाेमेट्रिक हाजिरी मेसिन जडान गरिएकाे नगरप्रमुख रजत प्रताप शाहले बताउनुभयाे ।
शाहले सुचनाप्रविधिलाई प्रमुखताका साथ प्रयाेग गर्दै आएको यस नगरपालिकाले डिजिटल प्राेफाइलपछि साे हाजिरि मेसिन जडान गरिएकाे जानकारी गराउनुभयाे । नगरभित्रका सबै माध्यमिक विद्यालय तथा स्वास्थ्य संस्थाहरुमा पनि हाजिरि मेसिन जडान गर्नुका साथै सिसिटिभी लगाइने याेजना भएको अधिकृत प्रदिप चाैधरीले जानकारी गराएका छन । नगरपालिका भित्र सबै कार्यालयहरु कर्मचारी प्रशासन चुस्तदुरुस्त बनाई हरेक गतिविधिलाई माेनिटरिङ गर्न सिसिटिभी क्यामेराले सहज हुने कृष्णनगर नगरपालिकाका प्रमुख प्रशासकिय अधिकृत चिन्जिवी पाैडेल बताउनुहुन्छ ।
