कस्मिक सहकारी द्वारा विपद् व्यवस्थापन कोषमा ५ हजार र १ महिनाको व्याज छुट

वैखरी अनलाइन बुद्धभूमि,
विश्वव्यापी रुपमा फैलिएको कोभिड १९ अर्थात कोरोना भाइरसबाट नेपाल पनि उच्च जोखिममा रहेको छl यस जोखिमबाट बच्न देशलाई नै लकडाउन भएका बेला जिल्लाको बुद्धभुमी नगरपालिका २ गोरुसिंगेमा रहेको श्री कस्मिक वचत तथा ऋण सहकारी संस्था लि ले कार्जा लिएका आफ्ना सदस्यहरुको एक महिनाको व्याज छुट दिने निर्णण गरेको छ ।

शुक्रवार बसेको बैठकले कर्जा लिएका आफ्ना सदस्यहरुबाट एक महिनाको व्याज नलिने र वुद्धभुमी नगरपालिकाले स्थापना गरेको विपद् व्यवस्थापन कोषमा ५ हजार रुपैया सहयोग गर्ने निर्णय गरेको अध्यक्ष मुकुन्द प्रसाद पौडेलले वताउनु भयो । कोरोनाक कारण भएको विपद्को माहामारी वाट राहत दिनका लागी सहकारीले सहयोग गरेको संस्थाका सचिव सुमन कुमार प्रधानले बताउनु भयो ।कस्मिक सहकारी संस्था युवा द्वारा संचालित सहकारी संस्था हो ।