बाणगंगा नगरपालिकाको राहत कोषमा अहिले सम्मकै उत्कृष्ट सहयोग श्रृङ्गीघाट सामुदायिक वनले गरेको छ । वनले नगरपालिकाको दैवि प्रकोप कोषमा यसरि सहयोग गरेको हो । नगरपालिकाले सञ्चालन गरेको दैवि प्रकोप कोष खातामा श्रृङ्गीघाट सामुदायिक वन उपभोक्ता समिति ले रु ५ लाख जम्मा गरेको नगरपालिकाले जनाएको छ ।
वनले विश्व कोरोनाले आतंकित वनेको समयका सरकारले लकडाउनको घोषणा गरेको अवस्था छ । सोहि अवस्था कायमै रहदा बाणगंगा नगरपालिकाका कुनै पनि अति विपन्न नागरिकहरु भोकै बस्न नपरोस भन्नका लागि वनले सहयोग गरेको श्रृङ्गीघाट सामुदायिक वनका अध्यक्ष रेनु सेनले बताईन् ।
उनले भनिन हामि हाम्रो नगरले आह्वान गरेका कुनैपनि कामहोस अथवा सहयोग जुनसुकै कुरामा पनि सेवाका भावनाले खटिन तयार छौ । यस्तो विषम परिस्थितीमा सवैको हातेमाले र सहयोगको आवश्यक हुन्छ त्यसरिनै हामि नागरिकहरुलाई सहयोग पुगोस भन्नका लागि सहयोग गरिरहने उनको भनाई छ ।
बाणगंगा नगरपालिकाले एक चरणको राहत वडाभित्रका टोलटोलहरुमा समेत पुर्याई सकेको छ । नगरपालिकामा विपद व्यवस्थापनका लागि वितरण गरिने नगद तथा सामाग्रीहरुका लागि ईच्छुक संघ संस्था वा व्यक्तिहरुले नगद नगरपालिकाको राष्ट्रिय वाणिज्य बैंक जितपुर शाखाको खाता नं. ३५३००००५८००१ मा जम्मा गर्न र खाद्यान्न लगायत दैनिक उपभोग्य सामग्री र स्वास्थ्य सम्बन्धि सामाग्रीहरु भने नगरपालिकाको कार्यालय मार्फत सहयोग गर्नका लागि नगरपालिकाले सबैलाई अनुरोध गरेको छ ।
