जेठ १ , थप २ जनामा कोरोना संक्रमण पुष्टि भएको छ ।
बिहीवार बिहान स्वास्थ्य तथा जनसंख्या मन्त्रालयले दिएको जानकारीअनुसार काठमाडौ र कपिलवस्तुमा कोरोना संक्रमित भेटिएका हुन् ।
काठमाडौंको चन्द्रागिरि निवासी ३२ वर्षीय पुरुष र कपिलवस्तु निवासी ६ वर्षीया बालिकामा कोरोना संक्रमण पुष्टि भएको हो ।
कपिलवस्तुमा कुल संक्रमितको संख्या ३९ पुगेको छ ।
योसँगै नेपालमा कोरोना संक्रमित व्यक्तिहरुको संख्या २ सय ४५ पुगेको स्वास्थ्य तथा जनसंख्या मन्त्रालयले जनाएको छ ।
