कपिलवस्तु बैशाख ४
विश्वव्यापी महामारीको रुप लिएको नोबेल कोरोना भाइरस बाट बच्न र बचाउन को लागि देशभरिमा लाकडाउन रहेको छ।
लकडाउनको कारणले देशभित्र रहेका सांस्कृतिक धरोहर मदरसाहरु बन्द हुने अवस्थामा आइसकेका छन । देशभरिमा रहेका मदरसाहरुमा सरकारले अहिले सम्म दुई लाख एक्चालीस हजार रुपया वार्षिक अनुदानको रुपमा दिदै आएका थिए र पठन पाठनमा लाग्ने अरु वार्षिक खर्च समुदाय बाट चन्दा उठाई मदरसाहरु संचालन गर्दै आएका थिए। तर यो वर्ष देशभरिमा पूर्ण रुपले लकडाउन हुनाले अधिकाशं व्यापारीहरुको व्यापार समेत ठप्प रहेको छ। पूर्ण बन्दाबन्दीको अवस्थामा चन्दा संकलन नभएकाले मदरसाहरु संचालन गर्न पूर्ण रुपले समस्या भएको भन्दै राष्ट्रिय मदरसा संघ नेपालले आज एक प्रेस विज्ञप्ति समेत जारि गरेको राष्ट्रीय मदरसा संघ नेपाल का राष्ट्रीय अध्यक्ष डाक्टर अब्दुल गनी अलकुफी ले बताउनु भयो।
अल्पसंख्यक मुस्लिम समुदायले संचालन गरेका शैक्षिक संस्था मदरसाहरुलाई विगतदेखि नै नेपाल सरकारबाट एक जना शिक्षकलाई समेत पारिश्रमिक दिन नपुग्ने ज्यादै न्यून अनुदान रकम उपलव्ध गराउंदै आएकोले हामीहरु चन्दा, दान र जकातबाट मदरसा संचालन गर्न बाध्य भएका छौं ।
नेपालमा संचालित मदरसाहरु नेपालका सांस्कृतिक धरोहर हुन् कुनै पनि मदरसा आर्थिक अभावको कारण बन्द हुने अवस्था नआओस् । तसर्थ अव आउने आ.व. २०७७÷०७८ को बजेटमा मदरसाहरुलाई दिइने अनुदान रकममा बृद्वि गरि कम्तिमा पनि दुई जना शिक्षकलाई पारिश्रमिक दिन पुग्ने गरि प्रत्येक मदरसालाई बार्षिक रु ७,५०,०००/- अक्षरेपी सात लाख पचास हजार रुपैया अनुदान रकम उपलब्ध गराउने वयवस्था गर्न राष्टिय मदरसा संघ नेपाल यस बिज्ञप्ती मार्फत नेपाल सरकार समक्ष हार्दिक अपिल गर्दछ भन्ने उक्त प्रेस विज्ञप्तिमा उल्लेख रहेको छ।
अल्पसंख्यक समुदाय अगाडी खास गरि यो बर्ष ठूलो चुनौति रहेको छ। यदि नेपाल सरकारले यो अल्पसंख्यक मुस्लिम समुदाय प्रति चासो देखाएन भने यो देशको एउटा सांस्कृतिक धरोहर बन्द हुने अवस्था समेत देखा परि रहेको भन्दै प्रदेश नम्बर ५ प्रदेश मदरसा बोर्ड का उपाध्यक्ष मौलाना मसहूद खां नेपालीले यो बिषयलाई गम्भीर रूपले उठान गर्न प्रदेश / प्रतिनिधि सभाका सांसदहरु संग आग्रह गर्नु भएको छ
उक्त प्रेस विज्ञप्ति राष्ट्रिय मदरसा संघ नेपाल का संस्थापक शमीम अहमद नदवी, प्रदेश नं.५ मदरसा बोर्डका उपाध्यक्ष मौलाना मसहूद खां नेपाली, नेकपा कृष्णनगर नगर समिती अध्यक्ष जावेद आलम खां, राष्ट्रिय मदरसा संघ नेपाल का राष्ट्रीय उपाध्यक्ष शैख जैस मक्की, सदस्य मौलाना जहीर अहमद बरेलवी, सदस्य अनवर हाशमी र राष्ट्रिय मदरसा संघ नेपाल का राष्ट्रीय अध्यक्ष डाक्टर अब्दुल गनीको संयुक्त हस्ताक्षरमा जारी भएको छ।