कपिलवस्तुको बाणगंगा नगरपालिकाको मुख्य बजार क्षेत्र चार नः जितपुर चोक अहिले निकै झकी झकाउ भएर रोचक देखिन थालेको छ । सिद्धिपुर टोल बिकास समितिले करिव २ हप्ता लगाएर चार नः जितपुर चोकलाई झकी झकाउ बनेको हो ।
बर्षौदेखि रङ रोगन समेत नभएको जितपुर तौलीहवा गेट र चोक अहिले आएर भने निकै मन मोहक भएको छ ।
वडा नः ४ को सहकार्य र नगरपालिकाको लगानी जितपुर चोक अहिले निकै सुन्दर देखिन्छ ।
राजमार्गको केन्द्र र जिल्लाकै मुख्य बजार क्षेत्र भएकाले सौन्द्रयकरण गर्न आवश्यक रहेकाले वडाकै पहलमा नगरपालिकाले सिद्धिपुर टोल बिकास समिति मार्फत काम गरीएको वडा नः ४ का वडा अध्यक्ष गणेश बहादुर क्षेत्रीले बताए ।
बिकास भनेको नया निमार्ण मात्र नभएर पुराना भौतीक संरचनाको ब्यवस्थापन र संभार पनि रहेकाले टोल बिकास समिति मार्फत करिव २ लाख खर्च गरेर आवश्यक उपकरण समेत जडान गरिएको टोल बिकास समितिका अध्यक्ष तथा युवा समाजसेवि बुद्धि बहादुर रोकाहा( दिनेश क्षेत्री)ले बताए । जितपुर तौलीहवा गेटमा समय र तापक्रम देखाउने डिजिटल स्क्रीन समेत राखीएको क्षेत्रीले बताए ।
