कपिलवस्तु : नेपाल कम्युनिस्ट पार्टी (माओवादी केन्द्र) शिवराज नगर कमिटिको आयोजनामा शोक सभा सम्पन्न भएको छ । माओवादी केन्द्रका राष्ट्रिय महाधिवेशन आयोजक समितिका पुर्ब सदस्य नरेन्द्रमान के.सि की आमा उमा कुमारी खत्रीको निधनप्रति शोक व्यक्त गर्दै शोक सभा सम्पन्न भएको हो ।
शिवराज नगरपालिका वडा १ कलौनि खत्रीकै निवासमा आयोजित सभामा बोल्ने वक्ताहरुले पार्टीलाई गरेको योगदानको उच्च सम्मान गर्दै उहाँका छोराहरुले देश र समाजको लागि गरेका काम उदाहरणिय रहेको बताएका थिए ।
माओवादी केन्द्रका जिल्ला अध्यक्ष विष्णु शाहले धेरै पहिलादेखि नै पार्टीका गतिविधिमा परिवारले महत्वपूूर्ण सहयोग पुरयाएको बताउनुभयो ।
