कपिलवस्तु : कपिलवस्तु जिल्लाको कृष्णनगर नगरपालिका वडा नं १ उद्योग वाणिज्य संघ कृष्णनगरको सभाहालमा इस्लामिक नयां वर्ष मोहर्रमको अवसरमा शुभकामना आदान प्रदान तथा भेटघाट कार्यक्रम सम्पन्न भएको छ । जिल्ला प्रशासन कार्यलय कपिलवस्तु तथा जिल्ला प्रहरी कार्यलयको संयुक्त आयोजना तथा इलाका प्रहरी कार्यलय कृष्णनगरको सहकार्यमा कार्यक्रम सम्पन्न भएको हो ।
कार्यक्रमका प्रमुख अतिथी विजयनगर गाँउपालिका अध्यक्ष गोपाल थापाले उर्दु क्यालेन्डरका अनुसार १४४३ हिजरी नया वर्षको हार्दिक बधाई तथा शुभकामना व्यक्त गर्दै सबै एक आपसमा धार्मिक सहिष्णुता कायम गरि कोभिड १९ को संक्रमण फैली रहेको अवस्थामा स्वास्थ्यको ख्याल गरि पर्व मनाउन आग्रह गरे ।
कार्यक्रममा प्रमुख जिल्ला अधिकारी चक्रपाणि पाण्डेयको अध्यक्षता तथा कृष्णनगर नगरपालिका प्रमुख रजत प्रताप शाहको विशिष्ट आतिथ्यतामा कार्यक्रम सम्पन्न भएको थियो ।
