सोलुखुम्बु : सोलुखुम्बुको सोलुदूधकुण्ड नगरपालिकामा कार्यरत नगर प्रहरी वासाखोलामा बेपत्ता भएका छन् । मोटर साइकलसहित खोलामा प्रवेश गरेका सोहि नगरपालिकाका २२ बर्षिय नगर प्रहरी दावातेन्जी शेर्पालाई खोलाले बगाएको हो ।
सल्लेरीबाट मोपुङ हिँडेका शेर्पाको मोटरसाईकल फेला परे पनि उनको भने कुनै पत्तो नलागेको जिल्ला प्रहरी कार्यालय सोलुखुम्बुले जनाएको छ ।
खोजीका लागि जनपद प्रहरीसहित स्थानीय जनप्रतिनिधि, नगर प्रहरी, स्थानीयवासी सक्रिय भए पनि खोला बढेकाले समस्या भएको प्रहरीले जनाएको छ ।
