काठमाडौं : नेपाली कांग्रेसका सभापति शेरबहादुर देउवाले पार्टीका शीर्ष नेताहरूको बैठक बोलाउनुभएको छ । बैठक बिहान ८ बजे प्रधानमन्त्री निवास बालुवाटारमा बस्दैछ ।
बैठकमा वरिष्ठ नेता रामचन्द्र पौडेल, कृष्ण सिटौला, महामन्त्री शशांक कोइराला, प्रकाशसरण महत्तलगायतका नेताहरु सहितका नेताहरू सहभागी हुने बताइएको छ ।
बैठक हतारमा निर्वाचन निर्देशिका निर्माण गर्दा प्रतिनिधित्वको विषय छुटेको भन्दै सच्याएर अघि बढ्नका लागि छलफल गर्न बोलाइएको हो ।
नेपाली कांग्रेसमा समावेशी प्रतिनिधित्व बढाउन ‘लबिङ’ भइरहेको छ । निर्वाचन निर्देशिका समावेशी बनाउन माग गर्दै फर्मूल्लाह मन्सुर, जीवन परियार, मुस्लिम संघका अध्यक्ष अबदुल सतारसहितका नेताहरू बालुवाटार पुगेका थिए ।
