वैखरी अनलाईन, बाणगंगा ।
कपिलवस्तुको बाणगंगा नगरपालिकाबाट हराएका दुई बालिकाको सकुशल उद्धार गरिएको छ ।
नगरपालिकाको वडा नम्बर १ र २ बस्ने ति दुई बालिका गत भदौ २९ शुक्रबार बिहान बिद्यालय जान्छु भनेर हिडेका र सोही क्रममा हराएका थिए ।
ईलाका प्रहरी कार्यालय पिपराको टोलीले उनीहरुलाई बुटवलको मजुवाबाट उद्धार गरेको हो ।
वडा नम्बर १ को उत्तमनगर घर भएकी स्थानीय बाल माध्यमिक विद्यालयमा कक्षा १० मा अध्यनरत १५ वर्षीया विष्णु छहारी र वडा नम्बर २ राजपुरकी १५ वर्षीय सिर्जना ठकुरी गत १९ दिनदेखि बेपत्ता भएका थिए ।
प्रहरीले उनीहरुलाई बुधबार नै परिवारलाई जिम्मा लगाएको जनाएको छ ।
उनीहरु कोठा लिएर बसेको जानकारी पाएपछि आफुहरु सोही स्थानमा पुगेको प्रहरीले जनाएको छ ।
