काठमाडौँ- कीर्तिपुरस्थित त्रिभुवन विश्वविद्यालय (टीयू) क्रिकेट मैदानमा फ्लडलाइट जडानको कामले तीव्रता पाएको छ।
नेपाल प्रिमियर लिग (एनपीएल)को दोस्रो संस्करणका लागि मैदान तयार पार्ने लक्ष्यसहित निर्माण कार्य धमाधम भइरहेको छ। हालसम्म दुईवटा फ्लडलाइट पोल जडान भइसकेका छन् भने बाँकी पोलहरूको जडान कार्य जारी रहेको आयोजना प्रमुखले बताएका छन्।
आयोजनाको लक्ष्य तिहारअघि सम्पूर्ण काम सम्पन्न गरेर मैदानलाई एनपीएलका लागि तयार पार्नु रहेको छ।
