काठमाडौं ।
नेकपा एमालेका अध्यक्ष केपी शर्मा ओलीले देश प्रतिक्रान्तितर्फ धकेलिएको बताएका छन् । देश बर्बादीतर्फ धकेलिएको उनको भनाइ छ ।
“अरुभन्दा बढी प्रहारको निशाना भएका छौँ । हामीले नराम्रो काम गरेर, नीति नराम्रो भएर हामीमाथि प्रहार भएको हो ? होइन, हाम्रो नीति राम्रो भएर हो,” ओलीले आजबाट सुरु भएको केन्द्रीय कमिटी बैठकमा भने, “अरुले सिमाना, स्वाधीनताका कुरा बोल्न नपर्ने । एमालेले मात्रै किन बोल्नपर्ने ?”
राष्ट्रिय हित गर्दा, राष्ट्र हितमा अडान लिँदा र राष्ट्रिय स्वाभिमानको कुरा गर्दा एमालेमाथि प्रहार भइरहेको उनले बताए ।
