एजेन्सी
काठमाण्डौ – अन्तर्राष्ट्रिय मैत्रीपूर्ण फुटबलमा नेपाली महिला टोलीले भारतलाई ट्राइब्रेकरमा हराएको छ । सिक्किमको पाल्जोर रङ्गशालामा हिजो भएको खेलमा नेपाली महिला टोलीले ट्राइब्रेकरमा भारतलाई ३–० गोलले हराएको हो ।
नेपालकी गोलकिपर अन्जना राना मगरले २ वटा पेनाल्टी रोकेपछि नेपाल विजयी भयो । अन्जनाले भारतको पहिलो पेनाल्टी हातले र तेस्रो पेनाल्टी खुट्टाले रोकिन् । नेपालका लागि कप्तान अनिता बस्नेतबाहेक ३ खेलाडीले गोल गरे । सविता राना मगर, रश्मिकुमारी घिसिङ र अन्तिममा निशा थोकर गोल गरेपछि नेपाल विजयी भयो ।
त्यसअघि निर्धारित ९० मिनेटको खेल १–१ को बराबरीमा सकिएको थियो । दोस्रो हाफमा दुबै टोली गोल गर्न असफल भएपछि खेलको निर्धारित समय सकिएको थियो । पहिलो हाफको इन्ज्युरी समयको दोस्रो मिनेटमा रश्मिले बराबरी गोल गर्दै नेपाललाई खेलमा फर्काइन् । त्रिदेशीय अन्तर्राष्ट्रिय मैत्रीपूर्ण फुटबल प्रतियोगितामा गएको सोमवार नेपालले भारतलाई २–१ अन्तरले हराएको थियो ।
