काठमाडौं ।
नेपाली कम्युनिस्ट पार्टी (नेकपा)ले आइतबार (मंसिर १४) कास्कीको पोखरामा एकता सन्देशसभा आयोजना गर्यो । सभामा नेकपाका शीर्ष नेताहरूले सम्बोधन गरे ।
पोखराको मानवअधिकार चोकमा आयोजित सभामा बोल्ने क्रममा नेकपाका नेता भीम रावलले भुलवश ‘नेकपा (एमाले)’ उच्चारण गरे । उनले आउँदो प्रतिनिधिसभा सदस्य निर्वाचनमा ‘एमालेले बहुमत ल्याउने’ बताए । तत्कालै उनले त्यसलाई सुधार गरेर नेपाली कम्युनिस्ट पार्टीलाई कसैले रोक्न नसक्ने उल्लेख गरे ।
“यो पोखराको चिप्लेढुंगामा म धेरै वर्षपछि तपाईंहरूको बीचमा उपस्थित हुन पाउँदा, जुन मैले धनगढीमा, लमहीमा आज यस्तो विशाल जनसभा देखेँ,” उनले भने ।
यति भनेर उनले अगाडि थपे, “मलाई पूर्ण विश्वास छ, आउने निर्वाचनमा नेकपा (एमाले)को बहुमतलाई, नेकपा (एमाले)को यात्रालाई कसैले रोक्न सक्ने, छेक्न सक्ने छैन । नेपाली कम्युनिस्ट पार्टीलाई कसैले रोक्न सक्ने, छेक्न सक्ने छैन ।”
उनले यति भनिसक्दा सभामा उपस्थिति केही व्यक्तिले ताली बजाएको सुनिएको थियो ।
