गृहपृष्ठ Featured राष्ट्रिय लोक तथा दोहोरी गीत प्रतिष्ठान कपिलवस्तुको कार्यालय उद्घाटन

राष्ट्रिय लोक तथा दोहोरी गीत प्रतिष्ठान कपिलवस्तुको कार्यालय उद्घाटन

कपिलवस्तु ।

कलाकारहरूको साझा संस्था मानिने राष्ट्रिय लोक तथा दोहोरी गीत प्रतिष्ठान नेपाल कपिलवस्तु शाखाको कार्यालय शनिबार एक विशेष समारोहका बीच उद्घाटन गरिएको छ। चारनम्बरमा रहेको कार्यालयको उद्घाटन प्रतिष्ठानकी केन्द्रिय अध्यक्ष रिता थापा मगरले गर्नुभयो।

कार्यक्रमलाई सम्बोधन गर्दै अध्यक्ष थापाले प्रतिष्ठान सबै कलाकारको साझा घर भएको उल्लेख गर्दै अग्रज कलाकारको सम्मान र नयाँ पुस्तालाई प्रोत्साहन गर्नु नै आफ्नो प्रमुख ध्येय रहेको बताउनुभयो। उहाँले कपिलवस्तु शाखाले छोटो समयमै लोक तथा दोहोरी संगीत क्षेत्रमा उल्लेखनीय काम गर्दै आएको भन्दै प्रशंसा गर्नुभयो।

यसैगरी, प्रतिष्ठान कपिलवस्तु अध्यक्ष असिम कडेल क्षेत्रीले छोटो समयमै आयोजना भएको कार्यक्रममा केन्द्रदेखि स्थानीय तहसम्मका पदाधिकारीले देखाएको समर्थनप्रति धन्यवाद व्यक्त गर्नुभयो। उहाँले कलाकारको क्षमता विकासका लागि आवश्यक प्रशिक्षण तथा संस्थागत विकास कार्यक्रम केन्द्रले व्यवस्था गरिदिन अनुरोध पनि गर्नुभयो।

कार्यक्रममा प्रतिष्ठानका केन्द्रिय उपाध्यक्ष पुष्कल शर्मा, केन्द्रिय सल्लाहकार खिमबहादुर हमाल, उप–महासचिव शिरिष देवकोटा, केन्द्रिय सचिव दिपक गरौजा, लुम्बिनी प्रदेश सचिव योगराज पोखरेल, प्रदेश सदस्य शिव खनाल, कपिलवस्तु प्रतिष्ठानका संस्थापक अध्यक्ष पूर्णचन्द्र परियार, पूर्वअध्यक्ष थानेश्वर अधिकारी, निर्वतमान अध्यक्ष शारदा खनाल, नवलपरासी जिल्ला अध्यक्ष रमेश पराजुली, पूर्वअध्यक्ष भरत क्षेत्री सहित जिल्लाका आजीवन सदस्य, पदाधिकारी तथा सञ्चारकर्मीहरूको उल्लेखनीय उपस्थिति थियो।

कपिलवस्तु शाखा अध्यक्ष असिम कडेल क्षेत्रीको अध्यक्षतामा सम्पन्न भएको कार्यक्रमको सञ्चालन शाखाका सचिव भक्तिराम घिमिरेले गर्नुभएको थियो।

सम्बन्धित् समाचार