गुल्मी ।
गुल्मीको रेसुङ्गा विमानस्थल निर्माणको क्रममा विस्थापित परिवारले लालपुर्जा लगायत समस्या समाधान गर्न माग गरेका छन् । विमानस्थल निर्माणको क्रममा मुआब्जा दिने गरी १४ घर विस्थापित र २८ घर परिवारको जग्गा अतिक्रमण गरिएको थियो ।
विमानस्थल निर्माण क्रममा विस्थापित भएका घर परिवारलाई प्रदान गरिएको जग्गाको लालपुर्जा उनीहरूले हालसम्म पनि पाएका छैनन् । लालपुर्जा, रोजगारी लगायतका माग गर्दैै विमानस्थलबाट विस्थापित संघर्ष समितिले रेसुङ्गा नगरपालिका नगरप्रमुख खिलध्वज पन्थीसँग ज्ञापन पत्र बुझाएका छन् ।
