काठमाडौं ।
टी-२० अन्तर्राष्ट्रिय क्रिकेटको एकै ओभरमा ३९ रन जोडेर सामोआले नयाँ विश्व कीर्तिमान बनाएको छ । भानुआतुविरुद्धको खेलमा सामोआले उक्त सफलता प्राप्त गरेको हो ।
सामोआले १५ औँ ओभरमा भानुआतुका नालिन निपिकोविरुद्ध उक्त रन जोडेको थियो ।
सामोआका डेरियस भिसरले उक्त ओभरमा ६ छक्का प्रहार गरेका थिए । फास्ट बलर निपिकोले तीन पटक नो बल फ्याँकेका थिए ।
एक ओभरमा भिसर ३६ रन जोड्ने टी-२० अन्तर्राष्ट्रिय क्रिकेटका चौथो खेलाडी हुन् ।
सन् २००७ मा भारतका युवराज सिंहले, २०२१ मा वेस्ट इन्डिजका कायरन पोलार्ड र यसै वर्ष नेपालका दीपेन्द्रसिंह ऐरीले पनि एकै ओभरमा ३६ रन जोडेका थिए ।
