तस्बिर : एजेन्सी
चीनले अल्जेरियाका लागि एक उपग्रह सफलतापूर्वक प्रक्षेपण गरेको छ । बिहान चीनको जियुचुआन उपग्रह प्रक्षेपण केन्द्रबाट ‘लङ मार्च–२ सी’ क्यारियर रकेटमार्फत प्रक्षेपण सम्पन्न भएको चिनयाँ समाचारसंस्था सिन्ह्वाले जनाएको छ ।
रकेटले अल्जेरियाली उपग्रहलाई निर्धारित कक्षमा राख्न सफल भएको छ । यस उपग्रहको मुख्य उद्देश्य भूमि योजना, प्राकृतिक प्रकोपहरूको रोकथाम, जोखिम मूल्याङ्कन र प्रकोप व्यवस्थापनमा सहयोग गर्नु रहेको छ ।
यो प्रक्षेपण चीनको लङ मार्च रकेट श्रृङ्खलाको ६२९औँ मिशनको हो । जसले चीनको अन्तरिक्ष प्राविधिक क्षमतामा निरन्तर उन्नति भएको सङ्केत गर्छ ।
यो प्रक्षेपण चीन र अल्जेरियाबीचको अन्तरिक्ष सहकार्यको पनि उदाहरण हो, जसले दुवै देशलाई विज्ञान र प्रविधिको क्षेत्रमा नयाँ अवसर प्रदान गर्ने अपेक्षा गरिएको छ ।
