कपिलवस्तुमा सर्पले डस्दा एकजनाको मृत्यु

कपिलवस्तु नगरपालिका वडा नम्बर ३ स्थित २४ हजार चौराहा किनारमा बुधबार बिहान सर्पको डसाईबाट एकजनाको मृत्यु भएको छ। उत्तम भट्टराईको घरमा काम गर्ने ७५ वर्षीय लिखीराम चौहानलाई बिहान ५ बजेतिर विषालु सर्पले टोकेको थियो। उपचारका लागि कपिलवस्तु अस्पताल लगिएको थियो। थप उपचारका लागि सर्प दंश उपचार केन्द्र लाने क्रममा बाटोमै उनको मृत्यु भएको थियो।