गृहपृष्ठ विविध उज्यालो लालटिनको ‘उज्यालो’ काम

उज्यालो लालटिनको ‘उज्यालो’ काम

प्रकाशित मिति:

‘उज्यालो लाल्टिन प्रतिष्ठान’ देवदह रुपन्देहीद्वारा आयोजित १ दिने निशुल्क स्वास्थ्य शिबिर कञ्चन गााउँपालिका अन्तर्गत शिवशक्ति आधारभूत विद्यालयमा आज सम्पन्न भएको छ ।
“समाजको पारदर्शीता, साहित्य र पत्रकारीता“ भन्ने मुल नारा बोकेर देवदह नगरीमा केन्द्रिय कार्यालय सन्चालन गरी सामाजिक रुपान्तरण, सभ्य समाज र आदर्श नागरिक निर्माणार्थ लागिपरेको उज्यालो लाल्टिन प्रतिष्ठान देवदह रुपन्देहीले निशुल्क स्वास्थ्य शिबिर सञ्चालन गरेको हो ।
कञ्चन गााउँपालिका वडा न.४ को र लालिगुँरास युवा क्लब कञ्चन(३ हरैयाको सह आयोजनामा सन्चालित शिविरमा ,लुम्बिनी नेत्र विज्ञान अध्ययन संस्थान श्री रण अम्बिका शाह आँखा अस्पताल सिद्धार्थनगर भैरहवा , आले डेन्टल हस्पिटल प्रा.लि. बुटवल र सि एण्ड सी अस्पताल ४ नम्बर जीतपुर कपिलवस्तुको प्राविधिक सहयोग र समाज सेवा अभियान रूपन्देही कतार तथा नव जागृती आमा समुह कञ्चन ४ सहयोगमा प्रतिष्ठानले एक दिने निशुल्क स्वास्थ्य शिविर सञ्चालन गरेको हो ।
उज्यालो लाल्टिन प्रतिष्ठानका सदस्य रविन शर्मा चापागाईको अध्यक्षता , कञ्चन गााउँपालिकाका अध्यक्ष गोकर्ण ब. क्षेत्रीको प्रमुख आतिध्यता तथा रुद्रपुर स्वास्थ्य चौकीका प्रमुख कर्णराज शमार्को विशिष्ट आतिथ्यतामा सम्पन्न कार्यक्रममा रण अम्बिका आखाँ अस्पतालका सुजन नकर्मी, लालीगुराँस युवा क्लबका अध्यक्ष राम ब. थापा, वडा न.४ का वडाध्यक्ष दुर्गा सिंह क्षेत्री, उज्यालो लाल्टिन प्रतिष्ठानका राजिव सापकोटा लगायतले बोल्नु भएको थियो ।
रेडियो कञ्चनका स्टेशन म्यानेजर जगिलाल थापाको सञ्चालनमा सम्पन्न भएको शिविरमा २२९ जनाले आँखा, १०६ जनाले दात र १३६ जनाले जनरल फिजिसियन तर्फ आफ्नो स्वास्थ्य जाचँ गराएका थिए भने १९ जना मोतिया बिन्दुको समस्या देखा परेका बिरामीलाई ६१ प्रतिशत छुटमा रण अम्बिका शाह आँखा अस्पतालले शल्यकृया गरिदिने भएको छ। आजको शिबिरमा दाँत र फिजिसियन सम्बन्धि औषधी बितरण पनि गरिएको प्रतिष्ठानका सदस्य एवम् शिबिरका संयोजक सन्देश ज्ञवालीले जानकारी दिनुभएको छ।

 

सम्बन्धित् समाचार