गोधुली साँझ  जुनेली, रातै प्यारो हजुर।
मनमुटु   जोडिएको, नातै  प्यारो हजुर।

मन  परेको  मान्छेले  त,  जे गरेनि राम्रो,
छोइरहने  सुकोमल,  हातै  प्यारो हजुर।

च्याटिङ्ग र भिडियोमा, मस्की रहनु भन्दा,
जमानाको प्रेमपत्रको, खातै प्यारो हजुर।

आखामा नाच्ने हजारौं छन् , मनमा बस्नेले,
सानु भनी  बोलाएको,  बातै  प्यारो हजुर।

न! छेक्न सक्यो उमेरले, न ! जाति वर्गले,
किन होला? मायालुको, जातै प्यारो हजुर।

✍ मन्जु सिलवाल (त्रिपाठी) धादिङ