कपिलबस्तुको बाणगंगा नगरपालिकामा एक ब्यक्ति मृत अवस्थामा फेला परेका छन् । वाणगंगा नगरपालिका वडा नं.२ गोर्बडिहयामा अर्घाखाँची घर भएका ३१ बर्षका गणेश थापा मृत भेटिएका हुन् । उनि किशोर थापाको घरमा बस्ने घर नजिकै रहेको टहरोमा मृत अबस्था फेला परेको प्रहरिले जानकारि दिएको छ । ईलाका प्रहरी कार्यालय पिपराबाट टोली गई बुझ्दा अर्घाखाँची घर भई किशोर थापाको घरमा बिगत २५ बर्षदेखी आमा सँगै आई काम गर्दै आएका मृतक थापा बिहिबार खाना खाई घर नजिकै रहेको छाप्रोमा सुत्न गएकोमा आज मृत भेटिएका हुन् । घरधनिले मृत अबस्थामा देखेको, मृतकले नजिकै बान्ता र दिसा समेत गरेको र दाईने खुट्टाको पैतलाको माथितिर सर्पले टोकेको जस्तो घाउ देखिएको अवस्थामा शव फेला परको हो । शव पोष्ट मार्टम पश्चात घर धनी किशोर थापालाई बुझाईएको र अन्य अनुसन्धान कार्य भै रहेको ईलाका प्रहरी कार्यालय पिपराले जानकारि दिएको छ ।
