कपिलवस्तुको चार नः जितपुरबाट मिस एण्ड मिस्टर कपिलवस्तु २०७५ सुरु भएको छ । केनभस म्यानुवल प्लेयर्सको आयोजनामा शनिबारबाट कपिलवस्तुमा मिस एण्ड मिस्टर कपिलवस्तु २०७५ सुरु भएको हो । यस प्रतियोगितामा फेस अफ लुम्बिनि २०७५ का बिजेता बिनेश पौडेल, मिस क्युन लुम्बिनि २०७५ की बिजेता बिदुशी खाण ठकुरी, सिद्धार्थ नगर बिकास समतिका अध्यक्ष बिष्णु थापा, सामुदायिक रेडीयो बाणगंगाका अध्यक्ष दुर्गा केसि निर्णायकको भुमिकामा रहेका छन । पहिलो अडिसन अन्र्तगत २० जना मिस एण्ड मिस्टर कपिलवस्तुको उपाधिका लागी सहभागी भएको केनभस म्यानुवल प्लेयर्सका निर्देशक बिशु खाणले जानकारी दिए । सुन्दरतासगै युवा युवतिमा भएको भित्रि क्षमतालाई बाहिर ल्याउनका लागी पहिलो चुनौती र अवसरका बिचमा यो कार्यक्रम आयोजना गरिएको रोटरी क्लव अफ कपिलवस्तु मिड टाउनकी सर्जनेत एट आम्स सुश्मा खाणले बताइन । कार्यक्रममा रोट्रीयन नन्द किशोर शुक्ला, टोप नारायण भण्डारी, कपिलवस्तु जेसिजका प्रदीप पौडेल, पत्रकार अशोक पौडेल लगायतले आआफनो धारणा राखेका थिए । कार्यक्रममा रोटरी क्लव अफ कपिलवस्तु मिड टाउन , कपिलवस्तु चेम्बर अफ कमर्स, सिद्धार्थ नगर बिकास समिति, बाणगंगा वेलफेयर सोसाइटी, कपिलवस्तु जेसिज र रोट्याक्ट क्लव अफ कपिलवस्तु मिड टाउन सहयोगी सस्थाका रुपमा रहेका छन ।
