गृहपृष्ठ खबर विप्लवद्वारा २९ गते नेपाल बन्दको घोषणा

विप्लवद्वारा २९ गते नेपाल बन्दको घोषणा

प्रकाशित मिति:

काठमाडौं । आफ्नो पार्टीका प्रवक्ता खड्ग बहादुर विश्वकर्मा प्रक्राउ परेलगत्तै नेपाल कम्युनिष्ट पार्टीका महासचिव नेत्रविक्रम चन्द ‘विप्लव’ले ओली–प्रचण्ड सरकारका विरुद्धमा भीषण संघर्ष गर्ने चेतावनी दिएका छन् ।

विप्लवले साउन २३ गते एक प्रेस वक्तव्य जारी गर्दै ओली र प्रचण्डमाथि यस्तो धावा बोलेका हुन्।

महासचिव विप्लवद्वार जारी विज्ञप्तिमा भनिएको छ  ‘काठमाडौँको दक्षिणकालीबाट हाम्रो पार्टीका स्थायी समितिका सदस्य तथा प्रवक्ता प्रकाण्डसहित तीनजनालाई केपी–प्रचण्ड सरकारले बिनाकारण गिरफ्तार गरेको छ । हाम्रो पार्टी राजनीतिक विचारका आधारमा गरिएको कायरतापूर्ण गिरफ्तारी बन्द गर्न, गिरफ्तार कमरेड प्रकाण्ड, पीबीएम कमरेडहरू, सीसीएम कमरेडहरूलगायत सबै कमरेडहरूलाई बिनासर्त रिहा गर्न जोडदार माग गर्दछ ।  अन्यथा पार्टी फासिवादी दमनको सशक्त प्रतिरोध गर्ने चेतावनी दिन चाहन्छ । त्यसबाट निस्कने परिस्थितिको यो सरकार नै जबाफदेही रहनेछ । केपी सरकारले राजनीतिक अधिकारमाथि एकपछि अर्को गर्दै प्रतिबन्ध लगाउँदै गएको छ । सरकारको यो रबैयाको कडा प्रतिवाद गर्न पनि हाम्रो पार्टी नेपालका सबै सच्चा लोकतन्त्रवादी र देशभक्त शक्तिलाई आह्वान गर्दछ ।’

त्यसबाट निस्किने परिस्थितिको बारे यो सरकार नै जवाफदेही रहने भन्दै विप्लवले विज्ञप्तीमा साउन २९ गते नेपाल बन्दको आव्हावन गरेको उल्लेख गरेका छन् ।

सम्बन्धित् समाचार