गृहपृष्ठ खबर अनुदान रकम नपाएपछि किसानहरू अनशनमा

अनुदान रकम नपाएपछि किसानहरू अनशनमा

प्रकाशित मिति:

कपिलवस्तु चन्द्रौटा साउन ३०

कपिवस्तुमा सरकारले दिने भनेको उखु अनुदान रकम नपाएपछि किसानहरू अनशनमा बसेका छन् ।जिल्लाको शिवराज नगरपालिका वडा न ७ का वडा अध्यक्ष तथा कपिलवस्तु किसान सङ्घका अध्यक्ष अनुपकुमार चौधरी सहितको टोली इलाका प्रशासन कार्यालय चन्द्रौटामा अनशन बसेका छन् ।कपिलवस्तुका उखु किसानहरूलाई सरकारले दिने अनुदान नपाए पछि अनशन बस्नुपरेको अध्यक्ष चौधरीले बताए ।

आव ०७१।७२ मा सरकारले प्रति क्विन्टल २५ रुपैयाँको दरले अनुदान दिने भनेपनी अहिलेसम्म नपाउँदा किसानहरू आन्दोलित भएका हुन ।कपिलवस्तुमा ७ हजार उखु कृषकले सो अनुदान पाउन सकेका छैनन् । अन्य जिल्लाका किसानहरूले अनुदानको रकम पाए पनि कपिलवस्तु किसानले नपाएको अनशनरत स्थान वाट उखु कृषक ओम प्रकाश चौधरी बताए । उनले भने “करिब ४ वर्ष भन्दा पहिले दिने भनेको रकम अहिले सम्म किन पाउन सकिएन हामीलाई सरकारले किन बेवास्ता गरेको छ” ।कपिलवस्तुमा मात्रै करिब ढाई करोड रकम किसानहरूले पाउनुपर्ने रहेको भए पनि सम्पूर्ण प्रक्रियाहरू पुरा गरेको भए पनि रकम पाउन नसकेको कपिलवस्तु किसान सङ्घका अध्यक्ष अनुपकुमार चौधरीले बताए ।

पटक पटक सरकारको ध्यानाकर्षण गरे पनि अनुदान नपाएको चौधरीको गुनासो रहेको छ । सुगर मिलले कागजपत्रमा ढिलाइ गर्दा लगायतका कारण देखाउँदै सो रकम नदिएको चौधरीले बताए . कपिलवस्तु किसान सङ्घको आन्दोलनका कायर्कक्रमरु मध्य साउन २० गते आइतबार इलाका प्रशासन कार्यालय मार्फत सम्बन्धित मन्त्रालयलाई ज्ञापन पत्र समेत बुझाएको भए पनि कुनै सुनुवाई नगरेकोको चौधरीले बताए । किसानले दुख गरेर गरेको कामलाई सरकारले मुल्याङकन गरेर अनुदान दिने भने पनि नपाउँदा किसानहरू दुखित भएका छन् ।


सरकारले मुनै वास्ता नगर्दा सम्म हामी अनिश्चित कालको लागी अनशनमा बस्छौ अध्यक्ष चौधरीले बताए ।नेपाल सरकारको प्रधानमन्त्री तथा मन्त्री परिषद् कार्यालय आर्थिक तथा पूर्वाधार विकाश शाखाले २०७३ साल भदै ५ गते उखुको मूल्य भुक्तानी दिन पत्राचार गरे पनि कुनै वास्ता नभएको हुँदा उखु किसानहरू आन्दोलन गर्न बाध्य भएका छन् ।किसान सङ्घका अध्यक्ष अनुप कुमार चौधरी,उपाध्यक्ष राम व रायमाझी,हरिनारायण चौधरी,रामप्रकाश चौधरी,बलराम पाण्डे अनशनमा बसेका छन् ।इलाका प्रशासन कार्यालय चन्द्रौटा अगाडी सडमकै अनशन बसेका छन् ।

सम्बन्धित् समाचार