कपिलवस्तुमा मुस्लिमहरुको महान पर्व मुर्हरम नजिकिएसंगै तहाजियाको बिक्री समेत बढेको छ । अहिले जिल्लाको दक्षिणीभेगमा तहाजिया (कागजको मन्दिर) को विक्रि बढेको हो । रंगीबिरंगी र बासँले मन्दिरको आकारमा बनाइने तहाजिया खरिद गर्न यतिखेर श्रद्धालुहरुको बजारमा निक्कै भीड देखिन्छ । अहिले बजारमा २ मिटर लामो देखि १० मिटर अग्लो सम्म तहाजिया विक्रिमा राखिएको छ । आफुले मागेको भाकल पुगेमा श्रद्धालु भक्तजनहरुले आफ्नो क्षमता अनुसार तहाजिया खरिद गर्ने गरि मुहर्रमका दिन करबला (चिहान) मा पुजाआजा गरि विर्सजन गरिने धर्मगुरुहरु बताउँछन् ।
बजारमा यतिखेर २ सय देखि ५ हजार सम्मका तहाजिया विक्रीमा राखिएको छ । तहाजिया विक्रि गर्न बसेका कपिलवस्तु नगरपालिका– १ मस्जिद टोलका व्यापारी अब्बुल हसनले यो बर्ष २ लाख बढिको तहाजिया विक्रि गरेको बताए । मुहर्रम पर्व बाजा गाजा तथा रंगीचङ्गी हुने हुदा हिन्दु धर्मावलम्बीहरुले समेत यस पर्वलाई अंगाल्दै जादा तहाजियाको कारोबारमा समेत पं्रत्येक वर्ष थप विक्रि बढ्दै गइरहेको छ । ९० प्रतिशत हिन्दुधर्मावलम्वी र १० प्रतिशत मुस्लिम धर्मावलम्वीहरले मनाउँने गर्छन् ।
त्यस्तै कपिलवस्तु ९ बन्डौलिकी गुञ्जेश्वरी देवी यादवले विगत १० वर्ष देखि ताहजिया वावालाई मान्दै आएको बताउँछिन् । आफुले मागेको कुरा पुरा भएको हुँदा वषैनि उनले तहाजिया वावाको पुजा गरि करबला (चिहान) मा लगि सेलाउँने गरेको बताईन् । छोराको लागि भाकल गरेकी कपिलवस्तु नगरपालिका डेरवाकी सजिवन पासिले भाकल पछि छोरा जन्मिएको र त्यस पछि पाचँ पर्ष सम्म पुजा गरिरहेको बताईन् ।
त्यस्तै वडा नं १ का कार्यवाहक अध्यक्ष विष्णु प्रसाद वारिले अहिले ताहजिया मुहर्रम पर्वलाई हिन्दुहरुले पनि मनाउँदै आएको र जसले गर्दा सद्भाव बढेको बताए । जिल्लाका मैनिहवा, महुवरिया, पकडि, लवनि, ईमिलिया, भडसुडवा, कृष्णनगर, चन्द्रौटा र बहादुरगञ्ज लगायतका स्थानबाट ताहजिया निर्माण गरि विक्रि हुने गरेको ईस्लाम व्यावसायिक संघले बताएको छ ।
