अन्तत बुढी गण्डकी जलविद्युत परियोजना निर्माणको जिम्मा चिनिया गेजुवा कम्पनीले नै पाउने भएको छ।
सिँह दरवारस्थित उर्जा मन्त्रालयमा पत्रकार सम्मेलन आयोजना गर्दै उर्जामन्त्री बर्षमान पुनले यो कुरा बताएका हुन्।
पुष्पकमल दाहाल (प्रचण्ड) को प्रधानमन्त्रीत्वकालको अन्तिमताका यो योजना गेजुवालाई दिने सम्झौता भएको थियो।
तर, प्रचण्डपछि प्रधानमन्त्री बनेका शेरबहादुर देउवा नेतृत्वको सरकारले सो सम्झौता खारेज गर्दै आफै बनाउने निर्णय गरेको थियो।
देउवा पछि बनेको नेकपा नेतृत्वको सरकारले पनि यो परियोजना आफै बनाउने निर्णय गरेपछि चिनिया पक्षले असन्तुष्टि जनाएको थियो।
त्यसपछि सरकारले बुढी गण्डकी परियोजना निर्माणको जिम्मा चिनिया गेजुवा कम्पनीलाई नै दिने निर्णय गरेको हो।
