वाणगंगा नगरपालिकाले आज देखि ‘म सफा गर्छु मेरो नगर’ अभियानको बृहत शुभारम्भ गरेको छ । वाणगंगा नगरपालिका वडा नं. २ मा पर्ने कपिलवस्तु रुपन्देही सीमानाकाको कोठी नदीबाट आज विहान ८ बजे देखि व्यापक जन सहभागिताको बिच अभियानको शुभारम्भ भएको नगरपालिकाका नगर प्रबक्ता तथा वडा नं. २ का वडा अध्यक्ष विष्णु पौडेलले बताए । वाणगंगा नगरपालिकाको मुख्य समस्याको रुपमा फोहोर मैला व्यवस्थापनका लागि डम्पिङ साइडको उचित स्थान निर्धारण गर्न नसकिरहेको बताउदै नगर प्रवक्त पौडेलले डम्पिङ साइडको पनि नगरपालिकाले छिटै व्यवस्थापन गर्ने बताए ।
नगरपालिकाले आजदेखि स्ुरु गरेको यो अभियानले मूख्य गरी वाणगंगा नगरपालिका भित्रका मुख्य सडक क्षेत्रको व्यापक सरसफाईलाई जोड दिएको छ । म सफा गर्छू मेरो नगर अभियानको शुभारम्भमा प्रदेश सांसद विष्णु पन्थी, मेयर मंगल प्रसाद थारु, उपप्रमुख चक्रपाणी अर्याल, प्रमुख प्रशासकीय अधिकृत तुल्सीराम मरासिनी लगायत जनप्रतिनिधि, सरोकारवाला र स्थानीयबासीको उल्लेख्य सहभागीता रहेको थियो ।
यता वाणगंगा नगरपालिका वडा नम्बर ७ का वडा अध्ययक्ष विष्णु गिरीले नगरपालिकाको योजना भन्दा पहिले नै वडा नम्बर ७ ले सरसफाईका विभिन्न कार्यक्रमहरु सम्पन्न गरिसकेको बताउदै वडाले सबै सरसपmाईका सुचक समेत निर्धारण गरी कार्यक्रम संचालनमा ल्याएको बताएका छन् ।
