प्रदेश साँसद बिष्णु पन्थीले खेलकुद युवाहरुलाई सहि मार्गमा हिडाउने अचुक माध्यम भएको बताउनु भएको छ । युवा क्लबहरुले खेलकुद क्षेत्रमा प्राथमिकता दिए नेपालले आगामी दिनमा खेलकुद मार्फत अझै प्रगती गर्न सक्ने धारणा राख्नु भयो । सुन्दर हराभरा नगर निर्माणमा युवाको अभियान, दुव्र्यवसनी रहित समाजको परिकल्पना हाम्रो पहिचान भन्ने मुख्य नारा सहित आजदेखी वाणगंगा ४ झुँगामा मुहान क्लबले सुरु भएको जिल्ला स्तरिय खुल्ला नकआउट फुटबल प्रतियोगिताको समुद्धघाटन सत्रमा बोल्दै साँसद पन्थीले यस्तो बताउनुभएको हो ।कार्यक्रममा वोल्दै बाणगँगा नगरपालिकाका उपमेयर चक्र अर्यालले नगरपालिकाका तर्फ बाट सक्दो सहयोग गर्ने प्रतिबद्धता जनाउनुभयो । साथै नगरपालिकाले खेलकुद क्षेत्रमा बजेट छुटईसकेको स्मरण गर्दै आयोजकलाई ३९ हजार छुट्टाईएको समेत जानकारी गराउनु भएको थियो ।
खेलको उद्धघाटन सत्रमा जिल्ला खेलकुद बिकास समितिका अध्यक्ष छबी रेश्मी मगर, कोषादक्ष पदम सेन फुटबल सँघ कपिलबस्तु अध्यक्ष राम सेन, सर्बेन्द्रदेब खनाल, सुरक्षा निकायका प्रतिनिधी, स्थानिय समाजसेबी, बुद्धीजिबी, खेल प्रेमी, क्बका अध्यक्षहरु, दर्शक, पत्रकार लगायतको सहभागीता रहेको थियो । जिल्लाका १६ वटा टिमको शहभागिता रहेको प्रतियोगिता असोज २७ गतेसम्म सञ्चालन हुने छ । प्रतियोगितामा प्रथम हुनेले नगद ५१ हजार, द्धितिय हुनेले नगद ३५ हजार सहित सिल्ड मेडल र प्रमाणपत्र प्राप्त गर्ने छन । वडा नं. ४ का वडा अध्यक्ष गणेश क्षत्रीको शुभकामना मन्तव्य, चन्द्रकान्त न्यौपानेको स्वागत मन्तव्य रहेको कार्यक्रमको सञ्चालन असोक पौडेलले गर्नुभएको थियो । प्रतियेगितामा मुख्य रेफ्री रोसन लामा लगायत राष्ट्रिय तहका रेफ्रीहरुद्धारा खेल संचालन गरिने छ । प्रदेश साँसद बिष्णु पन्थीले मुख्य रेफ्रि लाई बल हस्तानान्तरण गर्दै खेलको उद्धघाटन गर्नुभएको थियो ।
यसैविच आज भएकोे पहिलो खेलमा आयोजक मुहान क्लब बि लाई ४ ( १ ले पराजित गर्दै मोतिपुर युवा क्लब ले जीत हात पारेको छ । उद्घाटन खेलमा मोतिपुर युवा क्लब, र मुहान युवा क्लब बिच खेल भएको थियो । त्यसैगरी भोली ग्रुप ए अन्तर्गत शान्ती समाज र बन्कट्टी क्लब , ग्रुप बि अन्र्तगत जनप्रेमी र सिउटी क्लब बिच खेल हुने आयोजकले जनाएको छ । खेल दिउसो ३ बजेदेखी देखी सुरु हुने मुहान युवा क्लबका अध्यक्ष प्रकाश सेनले बताउनुभयो ।
