न्यु युगमा र मुहान F.C फाईनल प्रवेश
नवराज बेल्वासे , कपिलबस्तु
******************************
जिनुवा स्पोर्ट्स एण्ड लिङ्कन सोसाइटी वाणगंगा ९ द्वारा अायोजित जिल्ला स्तरीय नकअाउट फुटबल प्रथम भलवाड कप २०७५ को सेमि फाइनलका खेल सम्पन्न भए सँगै फाईनल खेलको समिकरण पुरा भएको । सेमि फाईनल खेलमा अायोजक जिनुवा स्पोर्ट्स एण्ड लिङ्कन सोसाइटी र न्यु युगमा युवा क्लव पडरिया विच भएको कडा प्रतिस्पर्धात्मक खेल निर्धारित समयमा दुवै तर्फबाट २-२ गोल हुदाँ खेलको निर्णय ट्राई वेकरमा भएको हो । सुरुवाती १७ अौँ मिनेटमा न्यु युगमाले पाएको फ्रि किकलाई गोलमा परिणत गरे पछि खेलमा न्यु युगमाले अग्रता लिएको थियो । त्यसपछि खेलको ३४ अौँ मिनेटमा जिनुवाले गोल गरे पछि खेल १-१ को बराबरीमा गएको थियो ।
खेल जारी रहदै खेलको ५२ अौँ मिनेटमा जिनुवाले गोल गर्दै खेल २-१ को स्थितिमा पुरायो र त्यस पछि खेलको ७५ अौँ मिनेटमा न्यु युगमाले गोल गर्दै खेल बारबारीमा पुराएको थिए । त्यस पछि दुवै तर्फबाट गोल हुन सकेन र खेल ट्राई वेकरमा गएको थियो । ट्राई वेकरमा न्यु युगमा ५ का बिरूद ६ गोलले विजय हुँदै फाईनल यात्र कायम राखेको हो । अाजै भएको दोस्रो सेमिफाइनल खेल मुहान F.C र वाणगंगा स्पोर्ट्स एण्ड वेयरफल सोसाईटी जितपुर सगँ कडा प्रतिस्पर्धा भएको थियो । खेलमा मुहानका ५० र ६५ अौँ मिनेटमा गोल गर्दै खेल अाफ्नो पक्षमा लिएको थियो ।
वाणगंगाले मुहानलाई सुरुवातमा केही दवाव राखेता पनि खेल पुर्ण रुपमा जित हासिँल गर्न सकेन र खेल ० को विरूद २ गोलले हार व्यहोदै वाणगंगा स्पोर्ट्स सेमिफाईनलबाट बाहिरियो । अब हुने फाईनल खेल भने असोज २८ गते मुहान F.C झुगा र न्यु युगमा युवा क्लव पडरिया विच दिउँसो १ बजेबाट हुने अायोजकले बताएको छ । प्रतियोगिताको प्रथम पुरस्कार ६१००० , र दोस्रो पुरस्कार ३१००० नगद सहित सिल्ड , मेडल र प्रमाण पत्र रहने छ
