गृहपृष्ठ खबर प्रदेश स्तरिय क्रिकेट प्रतियोगिता प्रतिस्पर्धात्मक बन्दै, ८ खेल सम्पन्न

प्रदेश स्तरिय क्रिकेट प्रतियोगिता प्रतिस्पर्धात्मक बन्दै, ८ खेल सम्पन्न

प्रकाशित मिति:

मायादेवि रंगशालामा जारि सनराईज सामाजिक विकास मञ्चद्धारा आयोजित प्रदेश स्तरिय खुल्ला नकआउट क्रिकेट प्रतियोगिता दिनप्रतिदिन प्रतिस्पर्धात्मक तथा रोचक बन्दै गएको छ । अहिलेसम्म जम्मा ८ वटा खेल सम्पन्न भएका छन् भने आज २ वटा खेल सम्पन्न भएका हुन् । आज भएको पहिलो खेलमा बुद्यम युथ क्लव वैजलपुरले सुर्योदय युवा क्लव बुङचिलाई १ सय १ रनले हराएको छ । टस हारेर ब्याटिङ सम्हालेको बुद्यम युथ क्लवले सुर्योदयका सामु २०५ रनको लक्ष्य प्रस्तुत गरको थियो । लक्ष्य पछ्याउँने क्रममा सुर्योदय अलआउट हुँदै १०४ रनमै सिमिति भयो । पहिलो खेलमा मनोज ज्ञवालि म्यान अफ द म्याच घोषित भएका छन् उनले २७ रन ३ विकेट लिएका थिए ।

त्यस्तै दोस्रो खेलमा एरियल युवा क्लव गोलपार्क र जय बुद्ध युवा क्लव बिच प्रतिस्पर्धा भएको थियो । जसमा जय बुद्ध युवा क्लव ११२ रनले विजयी भएको छ । टस जितेर ब्याटिङ रोजेको जय बुद्ध युवा क्लवले एरियल युवा क्लव गोलपार्कका सामु २ सय ३ बरनको लक्ष्य प्रस्तुत गरको थियो । जवाफि ब्याटिङमा उत्रिएको एरियल युवा क्लवले अलआउट हुँदै ९१ रनमै सिमित भएको आयोजकले जनाएको छ । दास्रो खेलबाट नेसद एडमट म्याच अफ द म्यान घोषित भएका छन् उनले ४ ओभरमा ९ रन खर्चिदै ५ विकेट लिएको मिडिया संयोजक हरि घिमिरेले जानकारि दिए ।

खेलमा प्रथम हुनेले रु १ लाख १ हजार शिल्ड तथा प्रमाणपत्र, द्धितीय हुनेले रु ५१ हजार शिल्ड तथा प्रमाणपत्र, तृतीय हुनेले रु १५ हजार शिल्ड तथा प्रमाणपत्र र सान्त्वना हुनेले रु ५ हजार शिल्ड तथा प्रमाण पत्र पुरस्कार प्राप्त गर्ने छन् । प्रतियोगिताको प्रथम पुरस्कार सौजन्य सिद्धार्थ गौतमबुद्ध ओभरसिजका संचालक तथा समाजसेवी कृष्ण कुँवरले गरेका छन् ।

यस्तै भोलि पनि दुईओटा खेल हुनेछन् । पहिलो खेल परिवर्तन शिल युवा क्लव मधुवन र भक्तौलि क्रिकेट क्लव बिच हुनेछ त्यस्तै अल स्टार स्पोर्ट क्रिकेट क्लव लमटैया र सुनौलो क्रिकेट क्लव बुटवल बिच हुने खेल संयोजक माधव पौडेलले जानकारि दिए ।

सम्बन्धित् समाचार