गृहपृष्ठ खबर देशकै ठुलो सितगंगा नगरपालीकामा अझै पुगेन टेलिफोन र ईन्टरनेट सेवा

देशकै ठुलो सितगंगा नगरपालीकामा अझै पुगेन टेलिफोन र ईन्टरनेट सेवा

प्रकाशित मिति:

अर्घाखाँचीको सितगंगानगरपालीकाका नागरिकले लेनलाईन टेलिफोन र एडि एस एल ईन्टरनेट सेवा अझैसम्म पाउन सकेका छैनन् । लेनलाईन टेलिफोन र ईन्टरनेट सेवा सुबिधा नहुँदा यहाँ रहेका दर्जनौं सरकारी तथा गैरसरकारी कार्यालयको दैनिकी कामकाज समेत प्रभावित हुने गरेको छ । लेनलाईन टेलिफोन रईन्टरनेट सेवाबाट टाढा रहेका यहाँका नयाँ पुस्ताले अहिलेको युगमा ईन्टरनेट सेवा बिना कुनै पनि काममा अगाडि बढ्न नसकिने भन्दै लेनलाईन टेलिफोन सगै एडि एस एल ईन्टरनेट जडानका लागि नेपाल दुरसंचार समक्ष मागपत्र पेश गरेता पनि अहिलेसम्म नेपाल दुरसंचार कार्यालयले सेवाजडानमा कुनै चासो दिनसकेको छैन ।

यहाँका सरकारी तथा गैरसरकारी कार्यालय, ब्यापारी केन्द्र, बिधालय क्याम्पस, राष्ट्रिय बाणिज्य बैंक, कृषि बिकाश बैंक सहित दर्जन भन्दाबढि लघुबित्त संस्थाहरू रहेका छन् । त्यस्तै ईलाका प्रहरी कार्यालय, नेपाली सेनाको कार्यालय, सडक बिभाग, शिक्षा, स्वास्थ्य लगायत ठाडादह, अमराई, सितापुर, चाक्ला, सुपादेउराली यसनगरपालीकाको मुख्य व्यापारीकेन्द्र हुन् ।

नेपालकै भौगोलिक हिसावमा ठूलो र जिल्लाको मुल ढोकाको रूपमा ठानिएको यस सितगंगा नगरपालीकामा लेनलाईन र एडि एस एल ईन्टरनेट सेवा नहँुदा नागरिकले ठूलो सास्ती खेप्नुपरेको हो ।

सम्बन्धित् समाचार