संघीय सरकारका कृषि तथा पशुपंक्षी बिकास मन्त्री चक्रपाणी खनाल बलदेवले पर्यटकिय गन्तब्यलाई ब्यबस्थित गरिनुपर्नेमा जोड दिएका छन् । कृषि–पर्यटनको एकिकृत बिकास भई मौलिक नेपाली संस्कृति र सामाजिक सदभाव बढ्ने प्रचुर संभावना रहेकोले समेत गन्तब्यको उचित ब्यबस्थित गरिनुपर्ने उनले बताए । नेपाल पर्यटन पत्रकार महासंघ (नेफ्टोज) केन्द्रिय समितीले कपिलबस्तु सदरमुकाम तौलिहवामा राखेको हजार नया गन्तब्य पहिचान र प्रर्वद्धन बिषयक साक्षात्कार कार्यक्रममा बोल्दै उनले व्यवसायिक स्थायीत्व र युवा कृषकको कृषिमा सहभागिता बढ्ने भएकोले कृषिलाई पर्यटनसंग जोड्न जरुरी रहेकोमा जोड दिए ।
चिनारी एवं चिनोको रुपमा प्रदान गरिने स्थानिय उत्पादनको उपहार आदीले बजार विस्तार हुदैं राष्टिय आयमा समेत बृद्धि हुने मन्त्री खनालले बताए । स्वदेशको कृषिउपजबाट निर्मित पहिचान बस्तु विदेशमा विस्तार हुने सुनिस्चित भएकोले पर्यटनलाई कृषिसंग जोड्नु जरुरी रहेको मन्त्री खनालको भनाइ छ ।
पर्यटनलाई हरियो डलर भित्राउने गतिलो व्यवसायका रूपमा नेपाली समाजमा चित्रित गरिनु आवश्यक रहेको प्रदेश सांसद बिष्णु पन्थीले बताएका छन् । पुरातनवादी सोचले ग्रसित नेपाली समाजमा पर्यटन प्रवद्र्धन गर्दा पनि संकुचित अवस्थालाई चिर्न जरुरी रहेको अर्का सांसद धर्मबहादुर लाल श्रीवास्तवले बताए ।
नयाँ–नयाँ गन्तव्य र क्षेत्रहरूमा लगानी, पहिचान प्रवद्र्धनमा समय खर्चिन अव लोभ गर्न नहुने कपिलबस्तुका स्थानीय तहका जनप्रतिनिधीहरुले बताएका छन् । नेपालको कृषि पर्यटनलाई आन्तरिक र बाह्य पर्यटक भित्राउन भू–बनोटले पनि साथ दिएको छ, जसका लागि सरकारी र निजी क्षेत्र एक भई रणनीतिक योजना तर्जुमा गर्दै प्रभावकारी कार्यक्रम लागू गरी राष्ट्रिय र अन्र्तराष्ट्रिय बजारमा प्रवद्र्धन गर्न सके प्रत्यक्ष अप्रत्यक्ष कैयौंले रोजगार पाउने सम्भावना उत्तिकै रहेको नेपाल पर्यटन पत्रकार महासंघका केन्द्रिय अध्यक्ष धनिराम शर्मा (ऋतुबिचार)ले बताए ।
संघीय सरकारका कृषि तथा पशुपंक्षी बिकास मन्त्री चक्रपाणी खनाल बलदेवको प्रमुख आतिथ्यता रहेको कार्यक्तममा प्रदेश सांसद बिष्णु पन्थी, सहसराम यादव, धर्मबहादुर लाल श्रीवास्तव, बाणगंगा नगरपालिकाका प्रमुख मंगल प्रसाद थारु, शिवराज नगरपालिकाका प्रमुख नेत्रराज अधिकारी, मायादेवी गाउपालिकाका अध्यक्ष बजरंगी प्रसाद कुर्मी, बिजयनगर गाउपालिकाका अध्यक्ष गोपाल थापा, प्रमुख जिल्ला अधिकारी अर्जुन प्रसाद पोख्रेल, प्रहरी नायब उपरिक्षक रबि रावल, नेपाल पत्रकार महासंघका केन्द्रिय सदस्य बसन्त गिरी, जिल्ला अध्यक्ष डिलाराम भुसाल लगायतको आतिथ्यता रहेको थियो । नेपाल पर्यटन पत्रकार महासंघका केन्द्रिय अध्यक्ष धनिराम शर्मा (ऋतुबिचार)को अध्यक्षता रहेको कार्यक्रममा नेपाल पर्यटन पत्रकार महासंघ प्रदेश ५ कोषाध्यक्ष भुपाल थापाको स्वागत मन्तब्य रहेको थियो ।
यसैबिच कपिलवस्तुको चन्द्रौटामा नेपाल कम्नियुष्ट पार्टी नेकपाले आयोजना गरेको शुभकामना आदान प्रदान तथा चियापन कार्यक्रममा मन्त्री खनाले सरकार मात्र वलियो भएर नहुने जिकिर गर्दै किसान र जनताको सरकार बन्न सक्यो या सकेन भन्ने विषय मुख्य रहेको वताए । चुनावको बेलामा भुमीहिन जनतालाइ जग्गा वितरण गरिने भनेको स्मरण गर्दै मन्त्री खनालले अहिले सरकारले त्यस कार्यलाई अघि वढाएको वताए । विगतको सरकारले गर्न नसकेको कामहरु अहिलेको सरकारले गरिरहेको वताउदैँ पर्यटनको क्षेत्रमा विकाशले फडको मारेको वताए । ठुला योजनाहरु सगै मेलम्ची,नौमुरे योजनाहरु सुरु भइरहेको जनाए । मन्त्री खनालले पार्टीलाई तल्लो तहसम्म एकिकरणको काम भइरहेको वताउदै दुई चार दिन ढिला भयो भन्दैमा नहुने हो कि भन्ने संका नर्गन आग्रह गरे । पार्टीका नेता कार्यक्रताहरुलाई नकारात्मक कुरा गर्न नहुने वताए । कपिलवस्तुको वाणगंगा करिडोरको योजना रहेकोले यसको लागी तयारी भइरहेको जनाए । तिलौराकोट वाट लुम्वीनि सम्म मायादेवी पैदल परिपथ भनेर ५० लाख वजेट विनियोजन भएको वताए । पर्यटनको ठुलो सम्भावना भएको क्षेत्र भएकोले कृषि सगै प्रर्यटनलाई पनि प्राथमिकता दिएको वताए ।जिल्ला भरि एउटा धानको जोन रहेकोमा त्यसलाई सुपरजोन बनाएकोले जिल्लाका सवै स्थानिय तह समेटिने वताए। माछाको जोन,तराकारी जोन गराउने उद्देश्यले वजार ब्यावस्थापनको लागी कपिलवस्तु जिल्ला मात्रलाई ३ कारोड बजेट छुट्टाएको वताए ।
चियापन तथा शुभकामना आदान प्रदान कार्यक्रममा नेकपामा केन्द्रीय सदस्य गिरिधारी लाल न्यौपाने, डोर प्रसाद उपाध्य, विमला घिमिरे नेकपाका जिल्ला अध्यक्ष झविलाल पोख्रेल लगाएत वोलेका थिए ।
