एजेसी। संसारकै सुन्दर महिला आफ्नो सुन्दरताकै कारण वेश्या बनेको सुन्दा हामीलाई आश्चर्य लाग्न सक्छ तर इतिहासका पानामा यस्ता अनेकौं घटना उल्लिखित छन् जसमाथि विश्वास गर्न मुस्किल पर्छ । इतिहासमा विश्वकै सबैभन्दा सुन्दरीको रुपमा उल्लेख गरिएकी आम्रपालीको कहानी यस्तै अविश्वसनीय छ । आम्रपाली इसापूर्व ६०० को आसपासमा वैशाली राज्यको राजकीय बगैंचामा जन्मिएकी थिइन् ।
आम्रपालीलाई इतिहासकै सबैभन्दा सुन्दर महिला मानिन्छ र भनिन्छ उनीजति सुन्दर कुनै अरु महिला छैनन् । आम्रपालीलाई जन्मिनासाथ उनका मातापिताले आँपको रुखमुनि छोडेर गएका थिए । यही कारण उनको नाम आम्रापाली रहन गयो । बगैंचामा आँपको रुखमुनि छोडिएकी बालिकालाई अर्का एक दम्पतीले फेला पारेर पालेका थिए । उनीहरुले नै बासलकाको नाम राखेका थिए ।
युवा अवस्थामा पुग्दा आम्रपाली निनकै सुन्दर भइन् । उनको सुन्दरताले संसारभरका मानिसहरु मुग्ध हुन थाले तर उनको लागि त्यही सुन्दरता नै सबैभन्दा ठूलो दुश्मन बन्न पुग्यो । आम्रपाली जब पूर्ण युवा अवस्थामा पुगिन् तब त्यस क्षेत्रका हरेक पुरुषले उनीसँग विवाह गर्ने चाहना राखे । आम्रपालीलाई पाउनको लागि पुरुषहरु एक अर्कासँग युद्ध गर्न थाले । आम्रपालीको सुन्दरताको चर्चा जताततै हुन थाल्यो र उनका मातापिताको लागि समस्या थपिँदै गयो किनकि जो कोहीले उनीहरुकी छोरीमाथि नजर गाडेर बसेका थिए ।
उनका मातापिताले बुझिसकेका थिए कि यदि उनीहरुले आम्रपालीको विवाह कुनै एक युवकसँग गरिदिएमा बाँकी सबै उसकै ज्यानको दुश्मन बन्नेछन् । यस्तो गम्भीर समस्याको समाधान गर्नको लागि उक दिन वैशालीमा सभाको आयोजना गरियो । हरेक किसिमले प्रयास गर्दा पनि यो समस्याको कुनै समाधान निस्किएन । अन्ततः सबैको सहमतिले आम्रपालीलाई वैशालीकी नगरवधू (वेश्या) घोषित गरियो । किनकि त्यहाँ यो बाहेक अर्को कुनै विकल्प थिएन ।यसरी एक सुन्दर युवती आफ्नो सहमतिबिना नगरवधू बनिन् र कैयौं वर्षसम्म वैशालीका मानिसहरुको मनोरञ्जन गरिरहिन् । उमेर ढलेपछि जब उनी वेश्यावृत्तिबाट वाक्क भइन् त्यसपछि उनले सबथोक त्यागेर बौद्ध भिक्षुणी बनिन् । त्यसपछि अहिलेसम्म पनि आम्रापालीलाई उनको सुन्दरताकै कारण वेश्या बन्नुपरेको विभिन्न ग्रन्थहरुमा उल्लिखित छ ।
