वैदेशिक रोजगारीमा कामदार आपूर्ति गर्दै आएका राष्ट्रहरूको साझा संस्था कोलम्बो प्रोसेसकाे बिहान ११ बजे काठमाडौंको एक होटलमा मन्त्रीस्तरीय बैठक हुँदैछ।

त्यसलाई सम्बाेधन गर्न प्रधानमन्त्री ओलीलाई निमन्त्रणा आएको छ।

तर उनी उक्त कार्यक्रमा सहभागी नहुने प्रधानमन्त्रीका प्रेस संयोजक चेतन अधिकारीले नेपालखबरलाई जानकारी दिए।

कात्तिक ६ गते विद्युतिय बसको शुभारम्भ गरेयता ओली सार्जवनिक कार्यक्रममा उपस्थित भएका छैनन्।

प्रधानमन्त्री ओलीलाई कात्तिक १२ गते बिहान साढे ४ बजे शिक्षण अस्पतालको मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा भर्ना गरिएकामा चार दिनपछि उनी कात्तिक १६ गते बालुवाटार फर्किएका थिए।

त्यसयता उनी बालुवाटार बाहिरको कुनै पनि कार्यक्रममा सहभागी भएका छैनन्।

स्वास्थ्यकै कारण प्रधानन्त्री ओली बाहिरको कार्यक्रममा नजाने हुनुभएको हो भन्ने नेपालखबरको प्रश्नमा उनले भने, ‘त्यस्तो हैन, उहाँ स्वस्थ भइसक्नुभएको छ। अहिले उहाँ अन्य काममै व्यस्त भएकाले त्यो कार्यक्रममा जानुहुन्न।’

उनको उपचारमा संलग्न चिकित्सक डा. अरुण सायमीले पनि प्रधानमन्त्री ओली पूर्ण स्वस्थ भइसकेको बताएका छन्। ‘तर अझै उहाँ केही दिन बालुवाटर बाहिरको कार्यक्रममा निस्कनुहुन्न,’ प्रेस संयोजक अधिकारीले भने।

कात्तिक ६ गते विद्युतिय बसको शुभारम्भ गर्न बालुवाटार बाहिर निस्केका थिए। त्यसयता ओली, सार्वजनिक कार्यक्रममा उपस्थित भएका छैनन्।