गृहपृष्ठ खबर राष्ट्रपतिलाई गाडी किन्न १८ करोड

राष्ट्रपतिलाई गाडी किन्न १८ करोड

प्रकाशित मिति:

२ मंसिर, काठमाडौं । सरकारले सेनामार्फत् राष्ट्रपति विद्यादेवी भण्डारीलाई विलासी गाडीको सेट नै खरिद गर्ने भएको छ ।

अन्नपूर्णमा राष्ट्रपतिका लागि विलासी गाडी खरिद गर्न १८ करोड निकासा भएकोसम्बन्धी खबर छ ।

अन्नपूर्ण लेख्छ– सरकारले सेनामार्फत् राष्ट्रपति विद्यादेवी भण्डारीलाई विलासी गाडीको सेट नै खरिद गर्ने भएको छ । औपचारिक कार्यक्रममा जाँदा चढ्ने, अनौपचारिक रुपमा उपयोग गर्ने, सुरक्षा अधिकारीले प्रयोग गर्नेसहित ८ गाडी किन्ने तयारी छ ।’

०७४ असारमै गाडी खरिद प्रक्रिया अघि बढेको थियो । राष्ट्रपति चढ्ने गाडी बाटैमा रोकिएको र सुरक्षामा समेत समस्या देखिन थालेको भन्दै नयाँ किन्न लागिएको थियो । सरकारले त्यतिबेला गाडी किन्ने प्रयोजनमै चार करोड रुपैयाँ छुट्याएको थियो ।

अन्नपूर्ण अगाडि लेख्छ– सेनाले सुरक्षाको निम्ति असहज भएको भन्दै ४ करोडले नपुग्ने बताएको थियो । उसले १६ करोड मागेको थियो । सरकारले सेनाको माग अध्ययन गरेर अहिले १४ करोड ३० लाख रुपैयाँ निकासा गरेको हो ।

गाडी खरिदका लागि १८ करोडभन्दा बढी रकम छुट्याइसके पनि कुन प्रकारको गाडी ल्याउने भन्ने सेनाकै जिम्मामा रहेको समाचारमा उल्लेख  छ ।

सम्बन्धित् समाचार