गृहपृष्ठ खबर कपिलवस्तुमा १ सय ६५ ओटा विभिन्न घटना दर्ता

कपिलवस्तुमा १ सय ६५ ओटा विभिन्न घटना दर्ता

प्रकाशित मिति:

कपिलवस्तुमा सन २०१८ को अधिमा १सय ६५ ओटा मानव अधिकार उल्लङ्घन तथा ज्यादतीका घटनाहरू दर्ता भएको इन्सेकले मंगलवार सार्वजनिक गरेको प्रतिबेदनमा उल्लेख छ । झण्डै एक वर्षको अवधिमा घरेलु हिंसाका १ सय ३२, बलात्कारका ८, बलात्कार प्रयासका ४ , मानव बेचविखनका ९ ,ब्यक्तिगत हत्याका ५ ,अपहरण पछि हत्याको १ ,बोक्सिको आरोपका १ ,जातिय छुवाछुदका १ ,गिरफ्तारीको १ ,अपमानजनक ब्यावहार १ ,झडवको घटना १, गरि १सय ६५ घटना दर्ता भएकोमा १सय ७१ महिला र १९ जना पुरुष गरी १सय ९१ जना पीडित भएको इन्सेकले अभिलेख गरेको छ । बलात्कार र बलात्कार प्रयासका घटनामा पीडित ९ जना पीडित मध्ये ५ जना बालिका रहेको प्रस्तुत प्रतिवेदनमा उल्लेख छ । अनौपचारिक क्षेत्र सेवा केन्द्र (इन्सेक) कपिलवस्तुको आयोजनामा नेपाल मानव अधिकार वर्ष पुस्तक सन २०१९ का लागि सङ्कलन गरिएका घटनाहरूको प्रकाशन पूर्व वार्षिक समीक्षा कार्यक्रममा इन्सेक प्रतिनिधि नन्दराम पौडेलले प्रस्तुत गरेका थिए ।

समिक्षा कार्यक्रममा प्रमुख अतिथी  प्रदेश न ५ कपिलवस्तुका प्रदेश सभासद शहसराम यादवले इन्सेकले विगत वर्ष देखि मानवअधिकारको घटनाहरुको संकलन गरि वर्ष पुस्तक मार्फत नेपालको मानवअधिकारको अवस्था झल्काउने काम गरेको छ । वार्षीक प्रतिबेदनमा नागरिकका अधिकार तथा आर्थिक सामाजिक सांस्कृतिक अधिकारका विषयमा समेत प्रतिबेदनमा उल्लेख गरिएको भन्दै बनेका कानुन कार्यन्वयनमा जोड दिए । पहुच नभएका पछाडी पारिका नागरिकहरुको आवाज पनि मानवअधिकार कर्मीले उठाउनु प्रर्ने भन्दै वर्ष पुस्तका समाबेश गर्न शुझाव दिए ।

सभासद यादवले शिक्षामा दरबन्दीको अभाव रहेको निशुल्क शिक्षा भने पनि विभिन्न बाहानामा शुल्क लिने काम भएको ति विषयवस्तु पनि समेटन आग्रह गरे । नागरिकले खाध्य अधिकार अन्तरगत समयमा विउमल नपाएको विषय पनि मानवअधिकार हनन हो भन्दै समयमा उपलब्ध गराउन सम्बन्धीत निकायलाई आग्रह गरेका थिए ।

यसैगरि विशिष्ठ अतिथी राष्टिय मानअधिकार आयोग प्रदेश न ५का प्रमुख पवन कुमार भट्टले इन्सेकले देशव्यापी रूपमा गरिरहेको मानव अधिकारको अनुगमन र प्रलेख कार्य उदाहारणीय भएको बताए ।नेपालमा विगत २६ वर्ष देखि मानवअधिकारको घटना तथा ज्याजतिका घटना समेटेर वर्ष पुस्तक प्रकासन गर्ने एक मात्र संस्था इन्सेक भएकोर वर्ष पुस्तकमाप्रकासन हुने घटनाहरुको पुर्वा समिक्षा गरि केलाउने कार्य सहनीय भएको बताए । मानवअधिकारको विषय बस्तु गहन भएकोले सबै नागरिक सम्मानित र स्वतन्त्र र मर्यादित रुपमा बाच्न पाउनु मात्रै हैन स्वच्छ वातावारणमा बस्न पाउनु, विकासको अधिकार अनुति गर्न पनि मानवअधिकार भएको बताए ।

वर्ष पुस्तकमा धेरै विषयवस्तु समेटिए पनि आप्रावासि कामदारहरुको हक अधिकारका विषय स्वच्छ बातावरण, मिसावट रहित खाना ,पोषणका कुरा पनि समेटनु पर्ने सुझाव दिए । यसै गरी स्थानीय तहमा न्यायिक समितिले गरेका निर्णय र प्रकृयाको समेत अनुगमन तथा अवस्थाको वारे वर्ष पुस्तकमा समाबेश गर्न सुझाव दिएका छन । यसै गरि सहायक प्रमुख जिल्ला अधिकारी रामेश्वर अर्यालले इन्सेकले मानवअधिकारका घटना संकलन देखि मानविय कार्य गर्दै आएको बताउदै बेलाबेलामा राज्यका निकायलाई घचघचाउने कार्य गरेको बताए । वर्ष पुस्तक मानअधिकारको दस्ताबेज भएकोलेयसमा प्रकासन हुने कुरा सत्य तथ्य हुनु पर्ने सुझाव दिए । यसै गरि जिल्ला सरकारी वकिल कमल पन्थीले द्धन्द्धकालमा मानवअधिकारको अवस्थाका बारे जोखिम मोलेरर भए पनि बर्ष पुस्तक प्रकासन हुने गरेकोर अहिले डिएसपी रवि रावल यसको निरन्तरता रहनु महत्वपुर्ण रहेको भन्दै वर्ष पुस्तकमा सडकमा हिन्दाहिन्दै सवारी साधनले हानेर मान्छेको मृत्यु हुने कुरा पनि मान्छेको बाच्न पाउने अधिकार हनन भएकोले समाबेस गर्न आग्रह गरे । यसैगरि मौलिकहक लगाएतका कानु निमार्ण भए पनि नागरिकहरु कानुनकावारे अनवित्र रहेको भन्दै कानुनी सचेतना चलाउन समेत आग्रह गरे ।

यसैगरि डिएसपी रवि रावलले इन्सेकले संकलन गर्ने घटनामा धेरै कुराहरु समेटिएको भए पनि कतिपय घटना छुटेकोले प्रहरीसगं मागे सुचना उपलब्ध गराउने बताए ।जिल्लामा पुनस्थापना वा संरक्षण गृह नहुदा समस्या रहेकोले सो कुराको उठान गरिदिन आग्रह गरे । सडक दुर्भटना र लागु औषधका घटना पनि समाबेश गर्न सुझाव दिए । यसैगरी संचारीका समुह प्रदेश न ५की अध्यक्ष पार्वती पाण्डेले इन्सेक मात्र यस्तो संस्था हो जसले मानवअधिकारका सवालमा घटना सकलन गर्ने ,घटनाको अनुगमन गर्ने र डकुमेन्टेसन गर्ने गर्दछ र वाषर््िाक समिक्षा गरि वर्ष पुस्तक प्रकासन हुने हुदा सबै विषयवस्तु समेटन सुझाव दिदै बालविवाह घटना स्वास्थ्य उपचार नपाएका घटना छुटेकोले समाबेस गर्न सुझाव दिईन ।

समिक्षामा जिल्ला स्वास्थ्य कार्यालयका प्रमुख योगेन्द्र भगत, जिल्ला समन्वय समितिका प्रतिनिधि रेशमराज शर्मा ,बार यसोसियसनका सचिव गजाधर पाण्डे ,मानवअधिकार निगरानी समुहकी संयोजक पुस्पा रेग्मी, नागरिक समाजका अध्यक्ष दोलक पछाई, गैरसरकारी संस्थाका अध्यक्ष प्रविण श्रीवास्तव पत्रकार महांसघका उपाध्यक्ष सरोज अर्याल, मानवअधिकार प्रतिष्ठानका अध्यक्ष विष्णु खतिवडा, शान्ति पुनस्थापना गृहका संयोजक भुमि भट्टराई ,बालकल्याण समितिका सदस्य पशुपतिमणी त्रिपाठी एमनेष्टी इनटरनेशनल कपिलवस्तुका सभापति महेन्द्र खनाल, पत्रकार पार्वती आचार्यले सुझाव तथा टिप्पोणी गरेका थिए ।
वार्षिक समिक्षा कार्यक्रम तथा चौथो मानवअधिकार राष्ट्रिय कार्ययोजना कार्यान्वन समितिको बैकठ प्रमुख जिल्ला अधिकारी अर्जुन प्रसाद पोखरेलको अध्यता र इन्सेक प्रतिनिधि नन्दराम पौडेलको संचालनमा सम्पन्न भएको थियो ।

सम्बन्धित् समाचार