गृहपृष्ठ खबर कृष्णनगरस्थित नेपाल–भारत सीमा बन्द |

कृष्णनगरस्थित नेपाल–भारत सीमा बन्द |

प्रकाशित मिति:

मंसिर ५ ,कपिलबस्तु।
कपिलबस्तुको कृष्णनगरस्थित नेपाल–भारत नाका बुधबार मध्यान्हबाट बन्द गरिएको छ ।
मुस्लिम धर्मगुरु पैगम्बर मोहम्मद मुस्तफाको १४९३ औ जन्मोत्सव (मोहम्मद डे)का दिन बुधबार निकालिने र्‍यालीको सुरक्षा स्थितिलाई ध्यानमा राखी नाका बन्द गरिएको जिल्ला प्रशासन कार्यालय कपिलबस्तुले जनाएको छ ।
आज मध्यान्ह १२ बजेदेखि लागू हुने गरि सीमाक्षेत्र सिल गरिएको प्रजिअ अर्जुन प्रसाद पोखे्रलले बताए । अत्यन्तै इमरजेन्सी र मानवीय संवेदनशीलता हेरेर परिचयपत्र खुलाएपछि आवतजावत गर्न दिइने उनले बताए ।

दिउँसो निकालिने र्‍याली सम्पन्न नहुञ्जेलसम्म सिमानाका बन्द गरिने उनले जानकारी दिए ।
मोहम्मद डेको पुर्वसन्ध्यामा कृष्णनगरस्थित सिर्सिहवा गाउमा पटकाजन्य पदार्थ बिस्फोट गराएपछि दुईजनालाई स्थानीय प्रहरीले पक्राउ गरेको छ । स्थानीय बब्लु मनिहार र रिजवान पठानलाई उच्छृङ्खल गतिबिधि गरेको भन्दै प्रहरीले पक्राउ गरेको हो । गएराति उक्त स्थानमा र्‍याली निकालिएको थियो ।
कृष्णनगर क्षेत्रमा दशैंको बेला दुर्गाझाँकी बिर्सजनको क्रममा विवाद हुँदा स्थानीय प्रशासनले दुई दिन कर्फ्यु आदेश जारी गरेको थियो |

सम्बन्धित् समाचार