गृहपृष्ठ खबर विश्व सुन्दरीको ताज नजिक श्रृङ्खला खतिवडा (भिडियोसहित)

विश्व सुन्दरीको ताज नजिक श्रृङ्खला खतिवडा (भिडियोसहित)

प्रकाशित मिति:

मिस नेपाल श्रृङ्खला खतिवडा मिस वर्ल्डको ताजको नजिक पुगेकी छिन् । उनी यतिबेला चीनमा विश्वका १२१ देशका सुन्दरीहरुलाई पछिपार्दै प्रेडिक्टरहरुको नजर र अनलाइन भोटिङका आधारमा उत्कृष्ट तीनमा पर्न सफल भएकी छिन् ।

मिस वल्र्ड सन् २०१८ डिसेम्बर ८ मा हुँदैछ र उनी अहिले त्यहाँं उपस्थित धेरैलाई आफ्नो प्रभाव छोड्न सफल भएकी छिन् । उनले इभेन्टमा उपस्थित विभिन्न देशका सुन्दरीहरुलाई नेपाली भाषा बोल्न सिकाउने, नेपाली गीत गाउन लगाउने जस्ता कार्यहरु पनि गर्न भ्याएकी छिन् ।सबैलाई आफूप्रति आकर्षित गर्न सफल भएकी श्रृङ्खलाले नेपालको संस्कृति झल्किने विभिन्न प्रस्तुति दिइरहेकी छिन् । हालसम्मको अवस्थालाई हेर्ने हो भने उनी २२० देशका सुन्दरीहरुलाई पछि पार्दै भोटिङमा एक नम्बरमा रहेकी छिन् ।


श्रृङ्खला मिस वर्ल्डको यात्रामा विश्वभरीका सुन्दरी प्रतियोगिताका प्रेडिक्टरहरुले नेपाललाई पहिलो पटक टप १०, ५ हुँदै टप ३ भित्र राखेका छन् । जुन मिस वर्ल्डको उपाधीका लागि सहज बनाउन सक्छ ।उनलाई भोट गर्नको लागि पहिले मबस्टार एप डाउनलोड गर्ने, सर्च बक्समा गएर श्रृङ्खला सर्च गर्ने र निलो रंगको आइकनमा टिक गरेर फलो गर्ने त्यसपछी उनको प्रोफाइलमा भएको फोटो भिडियो लाइक, सेयर गरेर साथ दिन सकिन्छ ।

सम्बन्धित् समाचार