गृहपृष्ठ प्रदेश नं ५ गौतमबुद्ध सामुदायिक मुटु अस्पताललाई तिलोत्तमा नगरपालिकाले १० बिघा जग्गा दिने

गौतमबुद्ध सामुदायिक मुटु अस्पताललाई तिलोत्तमा नगरपालिकाले १० बिघा जग्गा दिने

प्रकाशित मिति:

बुटवल । बुटवलमा संचालित गौतमबुद्ध सामुदायिक मुटु अस्पताललाई बुटवलमा जग्गा उपलब्ध नभएपछि तिलोत्तमा नगरपालिकाले १० बिघा जग्गा दिने भएको छ । गौतमबुद्ध सामुदायिक मुटु अस्पताल काठमाडौं उपत्यका बाहिरको पहिलो मुटु अस्पताल हो ।रुपन्देहीको तिलोत्तमा नगरपालिकाले मुटु अस्पताललाई वडा नं. ४ स्थित दश नम्बरमा रहेको दश विगाहा सार्वजनिक जग्गा उपलब्ध गराउन सिफारिस गर्ने निर्णय गरेको हो ।५ वर्षदेखि बुटवलको रामनगरमा निजी भवन भाडामा लिएर संचालित अस्पतालले बुटवल रामनगरमा रहेको राष्टिय वनको जग्ग्ाा माग्दै आएको थियो । तर, आश्वासनमै सीमित भएपछि अस्पतालले तिलोत्तमा नगरपालिकासंग जग्गा मागेको थियो ।

अस्पतालले तिलोत्तमा नगरपालिकासाग १२ विगाह जग्गा प्राप्तिको लागि प्रस्ताव गरेकोमा नगर कार्यपालिका बैठकले वडा नं. ४ को कित्ता नम्बर ६४ को सार्वजनिक जग्गा आठ बिगाहा पााच कठ्ठा १९ धुर र त्यससाग जोडिएको नदी उकास क्षेत्रसमेत गरी दश बिगाहा जग्गा उपलब्ध गराउन सम्बन्धित निकायमा सिफारिस गर्ने निर्णय गरेको हो ।सिफारिस गरिएको जग्गाको सन्दर्भमा वडा कार्यालयले सम्बन्धित वडाका बासिन्दाहरुसाग छलफल गरेको थियो भने कार्यपालिका सदस्यहरुसाग अस्पताल सञ्चालक समितिले अन्तरक्रिया समेत गरेको थियो ।भवन निर्माणको लागि यसअघि बुटवल-१० रामनगरमा रहेको वनको जग्गा प्रस्ताव गरे पनि जग्गा प्राप्तिमा ढिलाइ भएपछि अस्पतालले तिलोत्तमाको विकल्प रोजेको हो ।

मुटु तथा मिर्गौला रोगको उपचार गर्दै आएको अस्पतालले जग्गा प्राप्तिसागै कम्तिमा ५० वर्षको दिर्घकालिन योजनाको साथ अत्याधुनिक सुविधासम्पन्न अस्पताल भवन निर्माण गर्ने जनाएको छ ।तिलोत्तमा नगरपालिकाका प्रमुख बासुदेव घिमिरेले मुटु र मिर्गौला रोगको उपचारमा उल्लेख्य योगदान पुराइरहेको काठमाडौं बाहिरको अस्पताल भएकाले जग्गा उपलब्ध गराइएको बताए ।अस्पतालले वाषिर्क ५० हजार विरामीलाई उपचार सेवा दिंदै आएको अस्पतालका अध्यक्ष एजाज आलमले बताए ।

सम्बन्धित् समाचार