गृहपृष्ठ खबर रामघाटमा श्रद्धालु भक्तजनहरुको ओईरो

रामघाटमा श्रद्धालु भक्तजनहरुको ओईरो

प्रकाशित मिति:

कार्तिक शुक्ल पुर्णिमा कपिलवस्तुका विभिन्न स्थानमा पुजाआजा गरि मनाईएको छ । धार्मिक र प्राचिन महत्व बोकेको प्राचिन भागि।थी बाणगंगा नदीको रामघाटमा शुक्रवार श्रद्धालु भक्तजनहरुको ओराईरो लागेको थियो । कपिलवस्तु नगरपालिका– ३ रामघाटमा १० हजार बढी श्रद्धालु भक्तजनहरुले स्नान गरेका छन् । रामघाट मेला ब्यवस्थापन समिति अनुसार यस बर्ष गत बर्षको तुलनामा श्रद्धालु भक्तजनहरुको संख्यामा समेत बढेको छ । कार्तिक शुक्ल पुर्णिमा दिन जिल्लाको बाणगंगा नदीका बिभिन्न स्थानमा परंपरागत मेला लागेको छ । बाणगंगाको रामाघाट, लक्ष्मणघाट, बर्गदीघाट, कजराहवा र हर्दाैनामा शक्रवार लागेको मेला भर्न ठुलो संख्यामा श्रद्धालुहरु आएका थिए् ।

प्राचीन भागिरथी र अहिले बाणगंगा नदीमा लाग्ने मेला प्राचिन र धार्मिक महत्व बाकेको श्रद्धालु भक्तजनहरु बताउँछन । मेलामा टाढा टाढाबाट भक्तजनहरु आएका थिए । रामघाटमा भारतको शोहरतगढ, तुुल्सीपुर, शोहरतगढ, अलीगढवा तथा छिमेकी जिल्ला दाङ, रुपन्देही, अर्घाखाची लगायतका स्थानका मानिस समेत आएका थिए । मेलाका लागि बिहीवार राति देखि नै भक्तजनहरु रामघाटमा जम्मा भएका थिए । भक्तजनहरुले रात भरी जाग्रम बसी भजन क्रितन गर्दै बिहान सबेरै नदीमा स्नान गरी राम जानकी मन्दिरमा गएर पुजाआजा गरेका थिए ।

यस दिन नदीमा स्नान गरी पुुजाआजा गर्नाले पाप नास भई पुण्यफल प्राप्त हुने धार्मिक बिश्वास रही आएको छ । सो अवसरमा सयौ भक्तजनहरुले पुजापाठ गरी गौ दान समेत गरेका थिए । यो त्रेतायगुमा भगवना राम बनवास जानेक्रममा प्यास लागे पछि अजुैनले बाण हानेर पानी निकालेका थिए । रामले पानी खाए पछि यस स्थानको नाम रामघाट हुन गएको बुढापाकाहरु बताउँछन । । गौदान पुजा गराउन यशोधरा गाउपालिकाको भडेहरबाट आएका बयोबद्ध पुजारी राम गिरीले भगवान रामको बाणद्धारा उत्पत्ति भएको बाणगंगा नदीमा स्नान गरी गौदान गर्नाले ठूलो पुण्यफल मिल्ने बताए ।

भक्तजनहरु रातभर भजन किर्तन, पुजापाठ, प्रवचन र भागवतको पाठ गरेका थिए । यही अवसरमा कपिलवस्तुका बिद्यलायहरुमा समेत सथनयि बिदा दिईएको थियो । मेलामा हुन सक्ने बिभिन्न घटनाहरुलाई रोक्न ठुलो संख्यामा नेपाल प्रहरी र सशस्त्र प्रहरी परिचान गरिएको थियो ।

सम्बन्धित् समाचार