गृहपृष्ठ खबर गोलिकाण्ड अपडेट : २ जना पक्राउ, लबनी क्षेत्रको स्थिति तनावग्रस्त

गोलिकाण्ड अपडेट : २ जना पक्राउ, लबनी क्षेत्रको स्थिति तनावग्रस्त

प्रकाशित मिति:

सामान्य बिवाद पछि कपिलवस्तुको सुद्धोदन गाउपालिका– ४ मोतिभारीमा युवा नेता राजा बावु भन्ने ३५ बर्षे दिपेन्द्र चौधरीको शुक्रवार राति गोली हानी हत्या गरिएको छ । प्रदेश नम्बर ५ अन्तर्गत जिल्लाको निर्वाचन क्षेत्र नम्बर १ को ख बाट स्वतन्त्र उम्मेदवा समेत रहेका उनलाई अज्ञात समुहले अन्धाधुन्द गोली प्रहार गरेका हुन् । लवनी– हथिहवा सडक खण्ड अन्र्गत मोतिभारीमा रहेको घर नजिकै उनको हत्या गरिएको प्रहरीले जनाएको छ । राती ९ः४० बजे ३० बर्षिया चौधरी माथी गोली प्रहार भएको थियो ।

जिल्ला प्रहरी कार्यालयका अनुसार टाउकोमा ५ वटा गोली हानिएको छ । स्थानीय स्तरमा निकै लोकप्रिय मानिएका राजाबाबुको हत्या पश्चात लबनी क्षेत्रको स्थिति तनावग्रस्त बनेको छ । आक्रोशित भिडले हत्या आरोप लागेका बन्टी भनिने अजित पाण्डेको मोतिभारी स्थित घर कम्पाइन मेशिन र लबनी स्थित प्रमिला पेट्रोल पम्पमा आगजनी र तोडफोड गरेका छन् । लाठीचार्जबाट एकजना घाइते भएका छन घटना साम्य पार्न भन्दै पुगेको सुरक्षा निकायको टोलीलाई अवस्था नियन्त्रण गर्न हम्मेहम्मे परेको छ।

मृतक चौधरीका आफन्त तथा शुभचिन्तकको आक्रोशित भिड नियन्त्रण गर्न भन्दै प्रहरीले लाठीचार्ज गरेको छ । लाठीचार्जबाट स्थानीय एकजना घाइते भएका छन् । मेडिकल कलेज भैरहवाको प्रारम्भिक स्वास्थ्य रिर्पोटका अनुसार चौधरीमाथि ६ राउण्ड गोली प्रहार भएको देखिएको छ । जसमा ५ गोली टाउकोमा मात्र प्रहार भएको छ । चौधरीको शव अहिले मेडिकल कलेज भैरहवाबाट कपिलवस्तु ल्याइएको छ ।

आरोपी अजित तत्कालीन लवनी गाबिसका पुर्व प्रधान हुन । राजाबाबु शुक्रबार उक्त घटना घट्नुपुर्व मोतिभारी स्थित घरमै थिए । राती ९ बजे सामान किन्न पसल गएका मृतक दिपेन्द्रका भाई जितेन्द्र चौधरीसंग स्थानीय अजित पाण्डे (बन्टी) को अभिराम मदिरा पसलमा विवाद भएको थियो । विवादपछि जितेन्द्रले दाजु राजाबाबुलाई फोन गरि बोलाएका थिए । बाटोमा निस्किएका दिपेन्द्र र अजितबीच पुनः बिबाद भयो । बिवादपश्चात अजितले दिपेन्द्रमाथी सिधै गोली प्रहार गरेका मृतक दिपेन्द्रका भाई जितेन्द्रले बताए । सामान्य बिबादमा पनि अजितले आफ्नो दाजुमाथी गोली प्रहार गरेपछि आफु त्यहाबाट भागेको भाई जितेन्द्रले बताए ।

यसबारे सयममै प्रहरीलाई जानकारी गराएको तर चासो नदिदा हत्यारा भाग्न सफल भएका उनले बताए । मृत्यु भएका राजा बाबु लाई उपचारका लागि भैरहवा स्थित मेडीकल कलेजमा  लगिएको थियो । डाक्टरहरुले उनलाई तत्कालै मृत घोषित गरेका थिए । उनको शवलाई बिहान १० बजेतरि लबनी ल्याई  उनका आफन्त तथा आक्रेोसित स्थानीयले लवनीमा प्रहरी प्रशासन बिरुद्ध चर्को नारा लगाउदै प्रर्दशन गरेका थिए । सिदार्थ राजमार्गको लबनी सडक खण्ड विहानै देखि बन्द छ । मृतक चौधरीको शव सडकमै राखेर उनका सर्मथकहरु आन्दोलित छन् । हत्यारा पक्राउ नपर्दा सम्म शव नउठाउने भन्दै स्थानीयले आन्दोलन चर्काएका छन् । प्रहरीले तोडफोड र आगजनी गर्ने समूहलाई नियन्त्रण गर्न ८ राउण्ड हवाई फायर र १३ सेल अश्रुग्यास प्रहार गरेको थियो । लबनी र मोतिभारी क्षेत्रको अवस्था अझै तनावपूर्ण छ ।

लवनी र मोतिभारीमा नेपाल र सशस्त्र प्रहरी परिचालन गरिएको छ । प्रहरी प्रवक्ता डिएसपी रबी रावलले घटनास्थलबाट बरामद यूपी ५५ टी २३५ नम्बरको भारतीय मोटरसाइकल धनी दिलिप नाउँ र गोली प्रहार गर्ने बन्टीका दाजु बुल्टु भन्ने अमित पाण्डेलाई राती नै नियन्त्रणमा लिइएको बताए । प्रमुख जिल्ला अधिकारी अर्जुन प्रसाद पोख्रेलले घटनास्थल प्रहरी नियन्त्रणमा भएको र आन्दोलनरत पक्ष संग बार्ता भइरहेको बताए । ‘ घटना दुखद छ, २ जना पक्राउ गरेका छौ, संलग्न केहिको खोजी भइरहेको छ, सडक खुलाउन पहल हुदैछ’ उनले भने । मृतक दिपेन्द्र स्थानीय निकायको निर्वाचनमा फोरक लोकतान्त्रिकबाट गाउपालिकाको प्रमुखका उम्मेदवार बनेका थिए । कुल १३ सय ६८ मत पाएका उनी भिनो मतले पराजित भएका थिए । मृतकको श्रीमति तथा पााच बर्षिया र ३ बर्षे छोरा छन ।

यसै बिच आफ्ना युवा नेताको हत्या प्रति नेपाल कम्यूनिष्ट पार्टीले आपत्ती जनाएको छ । नेकपा सचिव विष्णु शाहले राजाबाबु चौधरीको मृत्युले पार्टीलाई अपूरणीय क्षती भएको भन्दै उनले हत्यामा संलग्नलाई हदै सम्मको कारवाही गर्न माग गरेका छन् । हेर्दा व्यक्तिगत देखिएपछि हत्या राजनितिक प्रतिशोधबाट गरिएको उनले दाबी गरे । उनले मृतक चौधरीलाई शहिद घोषणा गर्नुपर्ने, आन्दोलनका घाइतेको उपचार, मृतक परिवारलाई क्षतिपूर्ती र अपराधीलाई जुनसुकै स्थानबाट पक्राउ गर्न विज्ञप्ती मार्फत माग गरेका छन् ।

सम्बन्धित् समाचार