गृहपृष्ठ खबर दशौँ कपिलवस्तु महोत्सवको तयारी तिब्र गतिमा

दशौँ कपिलवस्तु महोत्सवको तयारी तिब्र गतिमा

प्रकाशित मिति:

कपिलवस्तुको वाणगंगा नगरपालिकामा मंसिर १८ बाट सुरु हुने १० औँ कपिलवस्तु महोत्सव सुरु हुन अब ८ दिन मात्रै बाकिँ रहेको छ । पछिल्लो समय विभिन्न संघ सस्थाहरुको आयोजनामा हुने महोत्सवहरु एउटा विशेष उत्साह र पर्वको रुपमा समेत लिइन थालेको छ । जिल्ला भित्रका कृषि उपजहरु देखि स्थानिय स्तरका स्रोत साधन र महत्वपूण पर्यटकीय स्थलहरुको प्रवद्धन र संरक्षणका लागि यस्ता मेला महोत्सवहरुले विशेष टेवा पु¥याउने अपेक्षा सबैको रहेको हुन्छ ।

यस वर्ष कपिलवस्तु उद्योग वाणिज्य संघ जितपुरले महोत्सवलाई फरक किसिमले थप नयाँ पन दिने गरी तयारी तिव्रताका साथ अगाडि बढाइएको जनाएको छ । अहिले सम्म महोत्सव आयोजनाका लागि ७५ प्रतिशत काम सम्पन्न पनि भइ सकेको आयोजक समितिका संयोजक उमानाथ पौडेलले बताउँनुभयो । कृषि र पर्यटनमा आधारीत उद्योग व्यापार, समृद्ध र सुखि कपिलवस्तु निर्माणको आधार भन्ने मुल नाराका साथ मंसिर १८ देखी बुद्ध रंगशालामा आयोजना हुन लागेको कपिलवस्तु महोत्सवको लागि अहिले विभिन्न विषयगत समिति तथा उपसमितिहरु गठन गरी महोत्सवलाई अघिल्ला वर्षहरुको तुलनामा भिन्न बनाउने उद्येश्यका साथ काम भइरहेको आयोजक समितिले जनाएको छ ।

महोत्सवमा राखिने स्टल बुकिङ्को काम पनि अन्तिम चरणमा पुगेको छ । त्यस्तै महोत्सवलाई भव्य र सभ्य बनाउने उद्देश्यका साथ जिल्ला भर नै प्रचार प्रसारलाई तिव्रताका साथ काम भइरहेको छ । विशेषत महोत्सवको सफलताका लागि आयोजनाको अन्तरिक काम सँगै बाह्यि काम करिब अन्तिम चरणमा पुगेको बताइएको छ । यस वर्षको महोत्सवमा करिब २ लाख दर्शकले मेला अवलोकन गर्ने अयोजकले अपेक्षा लिएको छ ।

सम्बन्धित् समाचार