गृहपृष्ठ खबर सितगंगा सेवा समाज द्धारा शैक्षिक तथा खेलकुद सामग्री वितरण

सितगंगा सेवा समाज द्धारा शैक्षिक तथा खेलकुद सामग्री वितरण

प्रकाशित मिति:

वैखरि अर्घाखाँची, मंसिर १२
अर्घाखाँचीको शितगंगा नगरपालिका १ स्थित सुवर्णखालमा कम्प्युटर, खेलकुद तथा शैक्षिक सामग्री वितरण सहितको विविध कार्यक्रम सम्पन्न भएको छ । सितगंगा सेवा समाजको आयोजनामा सो कार्यक्रम सम्पन्न भएको हो । शितगंगाको विभिन्न वाडबाट विभिन्न कारणले प्रदेश पसेका युवाहरुद्धारा “सु–शासन,समृद्धिमा ऐक्यबद्धता,समाज सुधार हाम्रो प्रतिवद्धता” भन्ने नारालाई आत्मसात गर्दै गठन भएको थियो ।

एक कार्यक्रमका बिच शितगंगा सेवा समाजले शितगंगा १ मन्द्रे स्थित मन्द्रे माविलाई डेल ब्रान्डको ३ थान कम्प्युटर, ३ थान मनिटर, ३ थान युपियस, १ थान डबलफिस भलिबल, २ थान कृकेट ब्याट, ५ थान कृकेट बल, ३ स्किपिङ डोरी र
१२ जना अति विपन्न जेहेन्दार दलित विद्यार्थीलाई कपी, कलम, ज्यामिती बक्स वितरण गरेको थियो । त्यस्तै शितगंगा १ सुवर्णखाल स्थित महेन्द्र आधारभुत विद्यालयलाई डेल ब्रान्डको २ थान कम्प्युटर, २ थान मनिटर, २ थान युपियस, १ थान डबलफिस भलिबल, २ थान कृकेट ब्याट, ५ थान कृकेट बल, ३ स्किपिङ डोरी र ११ जना अति विपन्न, जेहेन्दार, दलित, अपाङ्ग विद्यार्थीलाई कपी, कलम, ज्यामिती बक्स वितरणका साथै हस्तान्तरण गरिएको थियो ।

सोही कार्यक्रममा दातालाई सम्मान स्वरुप कदर पत्रले सम्मान गरिएको थियो । सोही अवसरमा शितगंगा निवासी क्यान्सर पिडित पदम मिश्रलाई कार्यक्रम स्थलबाट संकलन गरी रु। १४३२० र संस्थाको तर्फबाट रु ४३३०४र उपचार्थ रकम पिडितका आफन्तलाई हस्तान्तरण गरिएको थियो ।

त्यस्तै संस्थाले गरेका कामको विवरण विजय कुमार विकले राख्नु भएको थियो भने संयोजकत्वको भूमिका शेषकान्त अधिकारीले निर्वाह गरेका थिए । कार्यक्रममा विभिन्न राजनीति दलका विशिष्ट व्यक्ती, यस अभियानलाई सफल बनाउन सहयोग गर्ने सहयोग दाताहरु, सोही विद्यालयका शिक्षक, विद्यार्थी, अभिभावकहरुको उलेख्यनिय उपस्थित रहेको थियो ।

त्यस्तै कार्यक्रममा सितगंगा सेवा समाजको तर्फबाट पदाधिकारीहरुमा संरक्षक भिम खनाल, उपाध्यक्ष मान बहादुर सिन्जापती, संगठन प्रमुख विष्णु क्षेत्री, प्रचार प्रमुख चन्द्र चुदाली, शितगंगा संयोजक झनक केसी, मन्द्रे मावि संयोजक शेषकान्त अधिकारी लगाएतको कार्यक्रममा उपस्थित रहेको थियो ।

कार्यक्रम सितगगां सेवा समाजका वरिष्ट उपाध्यक्ष मिन पोख्रेलको अध्यक्षता, शितगंगा नगर प्रमुख सूर्य प्रसाद अधिकारीको प्रमुख आतिथ्यता, शिक्षा शाखा अधिकृत माधव बन्जाडेको विशिष्ट आतिथ्यता र संस्थाका महासचिव घनश्याम खनालको सञ्चालनमा सम्पन्न भएको थियो । कार्यक्रममा संस्थाका सहसचिव राजु अधिकारीले स्वागत मन्तव्य राखेका थिए ।

सम्बन्धित् समाचार