कपिलवस्तुमा ट्रकको ठक्कर बाट एक जनाको ज्यान गएको छ । कपिलबस्तु जिल्लाको बुद्धभुमी नगरपालिका अन्तरगत पर्ने गोरुसिंगे बनगाई जंगलको हर्कुर खोलामा भैरहवाबाट दाङ तर्फ जादै गरेको ना ६ ख १२०१ नम्बरको ट्रक र विपरित दिशाबाट आउदै गरेको लु ३६ प ४९९३ नम्बरको मोटरसाईकल एक आपसमा ठोकिदा बुद्धभुमी नगरपालिका २ गोरुसिंगे निवासी २५ वर्षिय सबिकुल पपियाको मृत्यु भएको प्रहरिले जनाएको छ ।
ठक्करबाट पपियाको टाउको र शरिरको विभिन्न भागमा चोट लागेको थियो । चोट लागि गम्भिर घाइते भएका पपियालाइ उपचारको लागि बुटवल स्थित लुम्बिनी अञ्चल अस्पतालमा लगिएको र उपचारका क्रममा मृत्यु भएको कपिलबस्तु प्रहरिले जनाएको छ ।ट्रक , ट्रक चालक र मोटरसाइकल इलाका प्रहरि कार्यलय गोरुसिंगेको नियन्त्रणमा रहेको र थप अनुसन्धान भैरहेको पनि प्रहरीले जनाएको छ ।
यसैविच कपिलबस्तु प्रहरिले अबैध रुपमा भारत बाट भन्सार छली नेपाल तर्फ ल्याउदै गरेको ईलेक्ट्रोनिक सामान बरामद गरेको छ । प्रहरिले कृष्णनगर नगरपालिका वडा नं। १० औरहवा स्थित सुरहि खोलामा एम एच ५ ए जि ३७ ७५ नम्बरको मोटरसाइकलमा सामान ल्याउदै गर्दा सामान फेलापारेको हो । ईलाका प्रहरी कार्यालय गणेशपुरबाट खटिएको प्रहरी टोलीले गस्ति गर्दै जाने क्रममा अन्दाजी मुल्य उनानब्बे हजार बराबरको सामान बरामद गरेको हो । मोटरसाईकल र सामानहरु नियन्त्रणमा लिई भन्सार कार्यालय कृष्णनगरमा पठाउने पहल भै रहेको कपिलबस्तु प्रहरिले जनाएको छ ।
