आदर्श सुशील,मङ्सिर २८,देवचुली नवलपुरको देवचुली नगरपालिका १५ प्रगतिनगरमा रहेको विश्वज्योति माध्यमिक बिध्यालयले रजत बर्ष अर्थात् २५ औं बार्षिकोत्सव भब्यताका साथ सम्पन्न गरेको छ । शुक्रबार बिध्यालयमा आयोजना गरिएको बार्षिकोत्सव समारोहलाई बिध्यालयले स्कुल मेलाको रुपमा मनाएको छ । बिध्यालय ब्यवस्थापन समितिका अध्यक्ष मोती प्रसाद अर्यालको अध्यक्षता तथा देवचुली नगरपालिकाका नगर प्रमुख पूर्ण कुमार श्रेष्ठको प्रमुख आथित्यतामा स्कुल मेला सम्पन्न भएको हो ।
यसैगरि बिशेष अतिथिको रुपमा जिल्ला शिक्षा समन्वय ईकाईका प्रमुख कृष्ण चन्द्र पोखरेल क्षेत्रीय शिक्षा निर्देशक खड्क बहादुर कर्मा लगायातको उपस्थिति रहेको थियो । स्कुल मेलामा बिभिन्न परम्परागत तथा सांस्कृतिक प्रदर्शनी,चित्रकला प्रदर्शनी,बिज्ञान प्रदर्शनी,इन्टरनेसनल स्कुल अवार्ड (आईएसए)प्रदर्शनी गरिएको थियो । साथै बिध्यालयमा जंक फूड निषेध गर्न बिद्यार्थी आँफैले स्वस्थकर खाना,खाजा तयार पारेका थिए ।
मेला अवधी भए साना देखि ठूला बिद्यार्थीले बिभिन्न नृत्य प्रस्तुति,र्याम्प,प्रहसन समेत गरेका थिए । कार्यक्रममा बोल्दै बिध्यालयका संस्थापक अध्यक्ष बिष्णु प्रसाद बस्तोलाले बिध्यालयको स्थापना देखि आज सम्म आईपुग्दा निकै लगनशीलता महेनत र पसिना बगाउनु परेको स्मरण गर्नु भयो । हाल यो बिध्यालयले गुणस्तरिय शिक्षा मात्र नभई प्राविधिक र विश्वस्तरको शिक्षा प्रणाली अबलम्बन गर्न तर्फ अग्रसर रहेको पनि बास्तोलाले बताउनु भयो ।
यसैगरि कार्यक्रमका प्रमुख अतिथि पूर्ण कुमार श्रेष्ठले विश्वज्योति देवचुली नगरपालिकाको निजी स्तरबाट सञ्चालित उत्कृष्ट शैक्षिक संस्था रहेको बताउनु भयो । साथै बिध्यालयलाई प्रविधिमैत्री बनाई अगाड़ी बढ्नुपर्नेमा जोड दिनु भयो । स्कुल मेलाको सत्र सय बिद्यार्थी,पन्ध्र सय भन्दा बढी अभिभावक गरि करिव चार हजारले अवलोकन गरेका थिए ।
