मङ्सिर -२८,एलिना केसी,देवचुली महिना बारी भन्ने बितिकै किशोरी महिलाहरुमा महिनै पिछे हुने रजस्वला प्रक्रिया हो । महिनाबारी हुदाँ किशोरी महिलाहरुलाई सेनटरी प्याड को निकै नै आवश्यकता पर्ने गर्दछ। त्यसैले यतिबेला देवचुलीका किशोरीहरु आफै सेनटरी प्याड बनाउन सक्षम बनिरहेका छन् । बजारीया प्याड भन्दा घरमै निर्माण प्याडले आरामदायी हुने उनीहरु बताउछन् । किशोरीशरुले आफनो पहिलो रजस्वाला हुँदाको अनुभवहरु मज्जाले साटा साट गरेको छन्।
महिलाहरु र किशोरीहरुको जिवनमा एउटा महत्वपूर्ण अंगको रुपमा रहेको रजस्वाला अर्थात गाँउले भाषामा भन्दा पर सर्नेको बारेमा रहेका जुन रुढीवादी सोच र परम्परा रहेको छ, सो को न्युनीकरणको लागि स्वयम किशोरीहरुद्धारा नै यस्तो खालको अभियान सुरु गरिएको हो । जागृति बाल तथा युवा सरोकार नेपालद्धारा क्यान्नालनको सहयोगमा देवचुली नगरपालिकामा सञ्चालन गरेको किशोरी शसक्तिकरण कार्यक्रम अन्तर्गतका ३० जना किशोरीहरुलाई महिनावारी सरसफाई र सेनेटरी प्याडको निर्माणको तालिम पश्चात अहिले विद्यालयमा र समुदायस्तरमा रहेका किशोरीहरुलाई यसको बारेमा तालिमहरु सञ्चालन गरेको कुरा संस्थाका अध्यक्ष तिलोत्तम पौडेलले र महासचिव दिपक शर्माले बताउनुभयो ।
सुरु सुरुमा आफुलाई पनि एकदमे अफ्टयारो महसुस भएको र पछि त सवै साथिहरुले समेत आफ्नो अनुभवहरु सुनाउन थालेको र आफुलाई परेको समस्याहरुको बारेमा समेत भन्न थालेको कुरा किशोरी अभियन्ता प्रभा वाग्ले बताउनुहुन्छ । महिनावारीको समस्या प्राकृतिक रुपमा रहेको र यसलाई समस्याको रुपमा लिने होईन की यो त सन्तान उत्पादन र संसारको सृष्टिकर्ताको रुपमा रहेकोले सोही अनुसार नै लिई विशेष सरसफाई र पौष्टिक युक्त खानेकुरा खानुपर्ने कुरामा जोड दिइएको अर्की अभियन्ता मोतिसरा थापाले बताउनुहुन्छ ।
आजको तालिम कार्यक्रममा घरमा नै कसरी सेनेटरी प्याडको निर्माण गर्न सकीन्छ भनेर समेत प्राक्टिकल रुपमा नै सञ्चालन गरिएको थियो ।कार्यक्रम देवचुली १४ मा रहेको जन ज्योती नमुना माध्यमिक विधालयमा गरिएको थियो । कार्यक्रममा २५ जना किशोरीहरुको सहभागिता रहेको थियो । यस्तो तालिमले आफनो आर्थिक अवस्थामा पनि फाईदा पुराउने तालिम प्राप्त किशोरीहरुले बताएका छन् ।
