गृहपृष्ठ प्रदेश नं ५ चन्द्रौटा ट्राफिकद्धारा चेकजाँचमा कडाइ

चन्द्रौटा ट्राफिकद्धारा चेकजाँचमा कडाइ

प्रकाशित मिति:

हरी आचार्य कपिलवस्तु चन्द्रौटा पौष ९

चन्द्रौटा ट्राफिकले पछिल्लो समय सवारी चेकजाँचमा कडाइ गरेको छ । पूर्व पश्चिम राजमार्गमा हिडने सवारीलाई ट्राफिकले नियमको पालना सिकाउँदै कानुन विपरीत चलाउने चालकलाई कारबाही गर्ने गरेको छ । अस्थायी ट्राफिक पोस्ट चन्द्रौटाका प्रमुख रामशरण कुमालको टोली पश्चिमी क्षेत्रमा सवारी दुर्घटना न्युनिकरणका लागी विभिन्न कार्यक्रम समेत गरेको छ । अव्यवस्थित भएको गुनासो आए पछि शिवराज नगरपालिकामा रहेका अटो रिक्साहरूको ट्राफिक प्रहरी कार्यालय चन्द्रौटाले छड्के अनुगमन गरेको छ ।

तीव्र गतिमा हिँड्ने, मनपरी भाडा लिने गरेको गुनासो आए पछि गरिएको अनुगमनमा ६० वटा अटोहरूको चेक जाँच गर्दा अधिकांश अटोहरू तोकिए भन्दा बढी यात्रु लिएर हिँड्ने गरेको पाइएको छ । चालक सहित ४ जना बोक्न पाउने अटो रिक्साको नियम भए पनि ८ जना सम्म सवारी बोक्ने गरेको पाइएको अस्थायी ट्राफिक प्रहरी पोस्ट चन्द्रौटाका प्रमुख प्रहरी सहायक निरीक्षक रामशरण कुमालले जानकारी दिए । चेक जाँच गर्दा एउटै अटोमा १८ जना सम्म विद्यार्थी बोक्ने गरेको भेटिएको थियो । शिवराज नगरपालिकामा रहेका अधिकांश अटोहरू लाइसन्स बिना नै सञ्चालन भएको पाइएको छ ।

५० वटा अटो चेक गर्दा ३५ वटा अटो लाइसेन्स नभएको भेटिएको छ भने क्षमता भन्दा बढी बोक्ने ९ वटा कुनै प्रकारको कागज पत्र नहुने ७ वटा अटोलाई कारबाही गरिएको कुमालले बताए । पहिलो पटक नियमको बारेमा जानकारी दिएर सम्झाई बुझाई पठाएको र फेरी पनि ओभर लोड बोक्ने तीव्र गतिमा हिँड्ने, कागजपत्र नबोक्ने अटोलाई कारबाही गर्ने जनाए । लाइसेन्सको बारेमा भने केही सँग लाइसेन्स भएको, केहीले परीक्षा दिएर बसेको र अन्यको लाइसेन्स नभएकोले सबैलाई लाइसेन्सको प्रक्रियामा ल्याउने प्रयास भइरहेको बताउँदै समय समयमा यसरी नै छड्के चेक जाँच गर्ने कुमालले बताए ।

साइकलजस्ता साना सवारी साधनका कारण सडक दुर्घटना बढेको भन्दै जिल्लामै पहिलो पटक शिवराज नगरपालिकाको शिवपुरबाट उज्यालोमा चम्कने रिफ्लेक्टर स्टिकर टाँस्ने अभियानको थालनी गरेको ट्राफिक प्रहरी पोस्ट चन्द्रौटाका प्रमुख प्रहरी सहायक निरीक्षक रामशरण कुमाल बताए । रात्रिकालीन समयमा साइकलबाट दुर्घटना बढेको भन्दै साइकल तथा साना सवारीहरुम प्राथमिकतामा राखी स्टिकर टाँस्ने काम गरेको कुमालले जनाए । त्यस्तै प्रहरीले सवारी चालकहरूलाई टाइम कार्ड तथा ट्राफिक नियम सिकाउने गरेको बताइएको छ ।

यस्तै चन्द्रौटा बजार आसपासमा ट्राफिक व्यवस्थापनको लागी शिवराज नगरपालिकाले १ लाख बजेट विनियोजन गरेको छ । जसमा प्रहरी अहिले शिवराज नगरपालिका ५ चन्द्रौटा आसपासमा सवारी रोक्ने स्थान छनोट,गति नियन्त्रण गर्न कर्नर बार्क,डिवाइडर लगायत राखिएको कुमालले जनाकारी दिए । यता ट्राफिक प्रहरीले कपिलवस्तुमा टिप्परलाई टाइम कार्ड लागु गरेपछि गति कम गर्ने गरेको दाबी गरेको छ ।

सम्बन्धित् समाचार