कपिलवस्तु जिल्लाको बाणगंगा नगरपालिकाले नगरको फोहोर ब्यवस्थित गर्न चासो नदेखाउदा नगरबासीले हैरानी खेप्नु परेको छ । जिल्लाकै स्वच्छ नगरपालिका भनी नगरपालिकाका प्रमुख देखि कर्मचारीले भन्दै आएतापनि एउटा फोहोर फाल्ने डम्पीङ साइड(फोहोर फाल्ने क्षेत्र) बनाउने तर्फ नगरपालिकाले चासो नदेखाउदा नगरपलिका दिनप्रतिदिन दुर्घधित बन्दै गएको हो । नगरपालिकाको पहलमा नगरपालिका भित्र कुनै पनि फोहोर व्यस्थापनका लागी डम्पीङ साइड निमार्ण गर्न नसक्नु सम्पुर्ण नगरबासीका लागी लज्जाको बिषय भएको बाणगंगा नगरपालिका पिपराका मुराउ थारुले बताए । जिल्लाकै सबैभन्दा स्वच्छ र शिक्षित नागरिकहरुको बसोबास भएको क्षेत्र भनी सुनीने कुरा अहिले आएर हासो उठ्ने बिषय बनेको उनले बताए । हाल काम चलाउनका लागी सिद्धार्थ नगर बिकास समितिले अस्थाई रुपमा फोहोर ब्यवस्थापनका लागी बाणगंगा नदी किनारमा सामुदायिक बनको जग्गा प्रयोग गर्दै नदी किनारमा फोहोर फाल्ने ब्यवस्था मिलाएकोमा नगरपालिकाले पनि सोही क्षेत्रमा फोहोर फाल्दै आएको छ ।
“ यस क्षेत्रका समाजसेवि, बुद्धिजिवि, राजनितिज्ञले बारम्बार आफुलाई उतm क्षेत्रमा फोहोर नथुपार्न भनी आग्रह गरेको र नगरपालिकाले चासो नदिदा आफु बाध्य भई त्यस क्षेत्र बाहेक अन्य क्षेत्रमा फोहोर ब्यवस्थापन गर्न नसकीने ”उनले बताए । कोइली पुल पारी डम्पीङ साइड निमार्णका लागी नगरपालिका गत बर्ष एक पटक कुरा मात्र उठाएको र त्यसपछि नगरपालिकाले कुनै चासो नदिएको समाजसेवि दोलकराम घिमिरेले बताए । नगरपालिकाले फोहोर ब्यवस्थापन गर्न यसरी मौन हुनु चासो नदिनु निकै लज्जास्पद र चिन्ताको बिषय भएको उनले बताए । उतm क्षेत्रमा डोजरको प्रयोग गरी ठुलो खाडल खनी फोहोर ब्यवस्थापनका लागी नगर बिकास समितिले तत्परता देखाएको थियो । उता यस बिषयमा बाणगंगा नगरपालिकाका प्रमुख तुल्सीराम मरासिनिले यस बिषयमा गम्भीर भई काम गर्ने बताएका छन । साथै अधिकृत मरासिनिले सिद्धार्थ नगर बिकास समतिले गरेको काम उल्लेखनीय भएको बताउदै नगरपालिकाको काम एउटा समितिले गरेको यहाँ देख्दा खुशी लागेको उनले बताए । सम्बन्धीत सरोकारवालासगं छलफल गरी उपयुतm स्थानमा फोहोर फाल्ने क्षेत्र बनाउन आफुले तत्कालै पहल सुरु गर्ने उनले बताए । साथै उनले नगरपालिकालाई स्वच्छ बनाउन फोहोरलाई घरमै ब्यवस्थापन गर्न नया योजना नगरपालिकाका सबै क्षेत्रमा लैजाने उनले बताए ।
सडक छेउमा फोहोर फाल्ने भएकाले हावाहुरी चल्दा गन्धले त्यस क्षेत्रमा हिडनै नसकिने अवस्था रहेको बाणगंगा बोडगाउ झलक थापाले बताए । “ठुलो हावाहुरी चल्नुपर्छ फोहोरको गन्धले हिडनै सकिदैन ” उनले बताए । यसमा नगरपालिकाले चासो नदेखाएकै कारण फोहोर बाणगंगा पुल आसपास देखि सडकमै फोहोरका बोरा र डब्वा फेला पर्ने उनले बताए । म सफा गछुृ मेरो नगर भन्ने अभियान अहिले आएर अभियानमै सिमित रहेको छ । बढो तामझामका साथ सुरु गरेको यो अभियानमा जनताको पनि निकै उत्साहजनक उपस्तिथि रहेको थियो तर हिजो आज नगरपालिकाले फोहोर निषेधित क्षेत्र भनी बोर्ड नै राखेको ठाउँमा यत्रतत्र फोहोर रहेको छ । नगरपालिकालाई स्वच्छ राख्ने उदेश्यले एक हप्ता दिनहु सरसफाई अभियान चलेको भएतापनि अहिले कुनै पनि गतिविधि नहुदा नगर झन फोहोर हुदै गएको छ । फोहोर ब्यवस्थापनका लागी नगरपालिकाले दिर्घकालिन योजना नबनाउदा समस्या आएको हो । कपिलवस्तु उद्योग बाणिज्य सहितका सघंसस्थाले भने नियमित सरसफाई कार्यक्रम जारी राखेका छन ।
